ବ୍ରହ୍ମପୁର ଅଫିସ,୧୮।୯: ଗଞ୍ଜାମ ଜିଲା ବ୍ରହ୍ମପୁର ସହର ବଡ଼ବଜାର ଚନ୍ଦ୍ରମା ସାହି ନିବାସୀ ଭି.ଦମୟନ୍ତୀଙ୍କ ୯୨ବର୍ଷ ବୟସରେ ମଙ୍ଗଳବାର ପରଲୋକ ହୋଇଯାଇଛି। ମୃତ୍ୟୁ ପରେ ତାଙ୍କ ସନ୍ତାନ ଦମୟନ୍ତୀଙ୍କ ଚକ୍ଷୁଦାନ କରାଇଛନ୍ତି। ତାଙ୍କ ମୃତ୍ୟୁ ଖବର ଜାଣିବା ପରେ ଫ୍ରେଣ୍ଡସ୍ ହେଲ୍ପିଂ କ୍ଲବର ଭି.ରାମାକ୍ରୀଷ୍ଣା ପରିବାରବର୍ଗଙ୍କୁ ଦମୟନ୍ତୀଙ୍କ ଚକ୍ଷୁଦାନ କରିବା ନେଇ ପରାମର୍ଶ ଦେଇଥିଲେ । ସେମାନେ ରାଜି ହେବା ପରେ ବ୍ରହ୍ମପୁର ମହାରାଜା କୃଷ୍ଣଚନ୍ଦ୍ର ଗଜପତି ଭେଷଜ ମହାବିଦ୍ୟାଳୟ ଏବଂ ଚିକିତ୍ସାଳୟର ଚକ୍ଷୁ ବିଭାଗର ଡା. ସମୀର ଦାସ, ଡା. ଏସି ରଘୁ ଏବଂ ଡା. ମୋହିତ ଶର୍ମା ପ୍ରମୁଖ ଦମୟନ୍ତୀଙ୍କ ଘରେ ପହଞ୍ଚି ତାଙ୍କ ଉଭୟ ଚକ୍ଷୁ ସଂଗ୍ରହ କରିଥିଲେ । ପାଖରେ ଦୁଇ ପୁଅ ଭିଭି ସତ୍ୟ ରାଓ, ଭି.ଭେଙ୍କେଟ ରାଓ ଏବଂ ଝିଅ ଇ.ସତ୍ୟବତୀଙ୍କ ସହ ପରିବାରବର୍ଗ ଉପସ୍ଥିତ ଥିଲେ। ଫ୍ରେଣ୍ଡସ୍ ହେଲପିଂ କ୍ଲବ ପକ୍ଷରୁ କେପିକେ ସୁବୁଦ୍ଧି, ଭି.ଭେଙ୍କେଟରମଣ ରାଜୁ, କେ.ମୋହନ ରାଓ, ଭି.ସୋମେଶ୍ୱର ରାଓ ଏବଂ ଭି.ବଦ୍ରିନାରାୟଣ ପ୍ରମୁଖ ଉପସ୍ଥିତ ଥିଲେ ।