ମଥୁରା,୨।୭: ଉତ୍ତରପ୍ରଦେଶର ମଥୁରା ଷ୍ଟେସନରେ ବେଆଇନ ଭାବେ ଚେନ୍ ଟାଣିଥିବା ନେଇ ଜଣେ ଯାତ୍ରୀଙ୍କ ଉପରେ ଅଭିଯୋଗ ହୋଇଛି। ରବିବାର ନୂଆଦିଲ୍ଲୀରୁ ହବିବ୍ଗଞ୍ଜକୁ ଯାଉଥିବା ଶତାଦ୍ଦୀ ଏକ୍ସପ୍ରେସ୍ରେ ମନୀଷ ଅରୋଡା ଓ ତାଙ୍କ ପରିବାର ଯାତ୍ରା କରୁଥିଲେ। ମନୀଷ ଓ ତାଙ୍କ ପରିବାରଙ୍କୁ ମଥୁରା ଷ୍ଟେସନରେ ଓହ୍ଲାଇବାର ଥିଲା। ହେଲେ ଷ୍ଟେସନ ପହଞ୍ଚିବା କିଛି ସମୟ ପୂର୍ବରୁ ମନୀଷ ତାଙ୍କ ମା’ଙ୍କୁ କିଛି ଜଳଖିଆ ଖାଇବାକୁ ଦେଇଥିଲେ। କିନ୍ତୁ ଟ୍ରେନ୍ ଷ୍ଟେସନରେ ପହଞ୍ଚିଯାଇଥିବା ବେଳେ ମା’ଙ୍କ ଜଳଖିଆ ସରି ନ ଥିଲା। ଖାଇବା ଶେଷ ହୋଇଗଲା ପରେ ପରିବାରର ସମସ୍ତ ସଦସ୍ୟ ଟ୍ରେନ୍ରୁ ଓହ୍ଲାଇ ପଡ଼ିବେ ବୋଲି ମନୀଷ ଭାବିଥିଲେ। ହେଲେ ହଠାତ୍ ଟ୍ରେନ୍ଟି ଚାଲୁ ହୋଇଥିବାରୁ ମନୀଷ ଆଉ କିଛି ଭାବି ନ ପାରି ଟ୍ରେନ୍ର ଚେନ୍କୁ ଟାଣି ଦେଇଥିଲେ। ଏହାପରେ ଟ୍ରେନ୍ଟି ଅଟକି ଯାଇଥିଲା ଏବଂ ସେମାନେ ଷ୍ଟେସନରେ ଓହ୍ଲାଇଥିଲେ। ତେବେ ଟ୍ରେନ୍ ଅଟକିବା ପରେ ମଥୁରା ଆରପିଏଫ୍ର ଏସ୍ଏଚ୍ଓ ଘଟଣାସ୍ଥଳରେ ପହଞ୍ଚି ମନୀଷଙ୍କୁ ଗିରଫ କରିବା ସହ ତାଙ୍କ ବିରୋଧରେ ମାମଲା ରୁଜୁ କରିଛି।
