କର୍ଲାମୁଣ୍ଡା,୧୧।୯(ଡି.ଏନ.ଏ.)-କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକରେ ୧୨ଟି ପଞ୍ଚାୟତରେ ଥିବା ବିଭିନ୍ନ ସରକାରୀ ପୋଖରୀରେ ମାଛ ଚାଷ କରି ଆର୍ଥତ୍କ ବିକାଶ କରିବାର ଲକ୍ଷ୍ୟରେ ୨୯ଟି ପୋଖରୀରେ ୩୦ ଏସ୍ଏଚ୍ଜି ସଭ୍ୟାମାନେ ଆଗେଇ ଆସିଥିବା ଦେଖିବାକୁ ମିଳିଛି। ପଞ୍ଚାୟତିରାଜ ବିଭାଗ ଉଦ୍ୟମକ୍ରମେ ମତ୍ସ୍ୟ ବିଭାଗ ପ୍ରତ୍ୟକ୍ଷ ତତ୍ତ୍ୱାବଧାନରେ ସରକାରୀ ପୋଖରୀରେ ମାଛ ଚାଷ କରି ଏସ୍ଏଚ୍ଜି ସଭ୍ୟାମାନେ କିଭଳି ଅଧିକ ଲାଭବାନ ହେବେ ଏହାର ସରକାରଙ୍କ ମୂଳ ଉଦ୍ଦେଶ୍ୟ ଥିବା ଏଏଫଓ କୁଳଦୀପ ଅମ୍ଲାନ ରଞ୍ଜନ କହିଛନ୍ତି। ତେବେ ବ୍ଲକର ୧୨ଟି ପଞ୍ଚାୟତ ମଧ୍ୟରୁ ୯ଟି ପଞ୍ଚାୟତ ୩୦ଟି ସରକାରୀ ପୋଖରୀରେ ୨୯ ଏସ୍ଏଚ୍ଜି ଦଳ ମାଛ ଚାଷ ଆରମ୍ଭ କରିଥିବା ଜଣାପଡିଛି। ଅନ୍ୟପଟେ ଗତ ମାସ ପ୍ରବଳ ବନ୍ୟା ଯୋଗୁ ଅନେକ ପୋଖରୀରେ ଏସ୍ଏଚ୍ଜି ଦଳ ପକ୍ଷରୁ ଛାଡିଥିବା ମାଛ ଯାଅଁାଳାଗୁଡିକ ପଳାଇ ଯାଇଥିବା ମା’ ମଙ୍ଗଳା ଏସ୍ଏଚ୍ଜିର ସଭ୍ୟା ନିଳେନ୍ଦ୍ରି ସାହୁ କହିଛନ୍ତି।