ଚେନ୍ନାଇ: ପ୍ରଫେସର ଏମିତି ଏକ ପଦବୀ ଯେଉଁଠି ପହଞ୍ଚିବାକୁ ହେଲେ ବହୁ କଷ୍ଟ କରିବାକୁ ପଡ଼ିଥାଏ। କିନ୍ତୁ ଜଣେ ପ୍ରଫେସର ଲକ୍ଷାଧିକ ଟଙ୍କା କମାଉଥିଲେ ମଧ୍ୟ ମାଛ ପାଇଁ ଚାକିରି ଛାଡ଼ିଦେବା ଘଟଣା ନିଶ୍ଚିତ ଆଶ୍ଚର୍ଯ୍ୟଜନକ। ମାତ୍ର ଏହା ସତ। ଏପରି ଘଟଣା ଦେଖିବାକୁ ମିଳିଛି ତାମିଲନାଡୁରେ।
ଏଠାରେ ରହୁଥିବା ମୋହନ କୁମାରଙ୍କ ପରିବାର ମାଛ ବ୍ୟବସାୟ କରନ୍ତି। ମୋହନ ମେକାନିକାଲ ଇଞ୍ଜିନିୟରିଂରେ ଗ୍ରାଜୁଏସନ ମଧ୍ୟ କରିଛନ୍ତି। ଏହା ପରେ ସେ କଲେଜରେ ଆସିଷ୍ଟାଣ୍ଟ ପ୍ରଫେସର ଭାବେ ନିଯୁକ୍ତି ପାଇଥିଲେ। ମାତ୍ର ଏଥିରେ ତାଙ୍କର ମନ ଲାଗିଲା ନାହିଁ। ମୋହନଙ୍କ ମାଆବାପା ମାଛଦୋକାନ ଦେଇଥିଲେ। ମୋହନ ଚାହୁଁଥିଲେ ବ୍ୟବସାୟରେ ତାଙ୍କୁ ସାହାଯ୍ୟ କରିବେ। ଏଥିପାଇଁ ତାଙ୍କ ମନ ଚାକିରିରେ ସନ୍ତୁଷ୍ଟ ନ ଥିଲା। କେହି କେହି ତାଙ୍କୁ ପାଗଳ ବୋଲି ମଧ୍ୟ କହିଥିଲେ ବୋଲି ସେ କୁହନ୍ତି। ତାଙ୍କ ମାଆବାପା ଚାହୁଁ ନ ଥିଲେ ମୋହନ ମାଛ ବ୍ୟବସାୟ କରନ୍ତୁ ବୋଲି। କିନ୍ତୁ ତାଙ୍କର ଏକା ଜିଦ୍ ସେ ଚାକିରି ଛାଡ଼ି ମାଛ ବ୍ୟବସାୟ କରିବେ। ଶେଷରେ ବ୍ୟବସାୟ ପାଇଁ ସେ ସରକାରୀ ଚାକିରି ଛାଡ଼ିଦେଇଥିଲେ।
କହିରଖୁଛୁ ମୋହନ, ହୋଟେଲ ଏବଂ ଛୋଟଛୋଟ ଦୋକାନଗୁଡ଼ିକୁ ମାଛ ଯୋଗାଇଥା’ନ୍ତି। ପ୍ରତିମାସରେ ପ୍ରାୟ ୧ ଲକ୍ଷ ଟଙ୍କା ସେ ରୋଜଗାର କରୁଛନ୍ତି। ଏହି ବ୍ୟବସାୟରୁ ସେ ଆହୁରି ଉପରକୁ ଯାଇପାରିବେ ବୋଲି ଆଶା ରଖିଛନ୍ତି।