ରାଜନଗର, ୧୯।୨(ଡି.ଏନ୍.ଏ.): ମାଧ୍ୟମିକ ଶିକ୍ଷା ପରିଷଦ (ବୋର୍ଡ) ଦ୍ୱାରା ପରିଚାଳିତ ମାଟ୍ରିକ ପରୀକ୍ଷା ବୁଧବାର ସକାଳ ୧୦ଟାରୁ ଆରମ୍ଭ ହୋଇଛି। କେନ୍ଦ୍ରାପଡ଼ା ଜିଲା ରାଜନଗର ବ୍ଲକର ୧୪ଟି ସେଣ୍ଟରରେ ୨,୪୭୯ ପରୀକ୍ଷାର୍ଥୀ ପରୀକ୍ଷା ଦେଉଛନ୍ତି। ଏଥିମଧ୍ୟରୁ ୬ଟି ସେଣ୍ଟରରେ ସିସିଟିଭି ଲଗାଯାଇଛି। ୫ଟି ସ୍କ୍ବାର୍ଡ ଟିମ୍ ପରୀକ୍ଷା କେନ୍ଦ୍ରରେ ପହଞ୍ଚି ପରୀକ୍ଷା ଅନୁଧ୍ୟାନ କରୁଛନ୍ତି। ଅପରାହ୍ନ ସାଢ଼େ ଗୋଟାଏରୁ ସଂସ୍କୃତ ମଧ୍ୟମା ପରୀକ୍ଷା ଆରମ୍ଭ ହେବାର ରହିଛି। ଏଥିପାଇଁ ରାଜନଗର ହାଇସ୍କୁଲ ଗୋଟିଏ ସେଣ୍ଟର କରାଯାଇଛି।