ଢେଙ୍କାନାଳ ଅଫିସ, ୨୨।୫- ପ୍ରକାଶ ପାଇଛି ମାଟ୍ରିକ୍ ପରୀକ୍ଷା ଫଳ। ଢେଙ୍କାନାଳ ଜିଲାରେ ପାସ୍ ହାର ରହିଛି ୭୨.୦୨%। ପରୀକ୍ଷା ଦେଇଥିବା ୧୬,୮୨୦ ଛାତ୍ରୀଛାତ୍ରଙ୍କ ମଧ୍ୟରୁ ୧୨,୦୦୩ ଜଣ ପାସ୍ କରିଛନ୍ତି। ଏକ୍ସ-ରେଗୁଲାରରେ ୪୭୧ଜଣ ପରୀକ୍ଷା ଦେଇଥିବାବେଳେ ୧୯୦ଜଣ ଉତ୍ତୀର୍ଣ୍ଣ ହୋଇଛନ୍ତି, ଯାହା ୪୦.୭୭%। ଚଳିତବର୍ଷ ପୁଅଙ୍କୁ ପଛରେ ପକାଇ ଦେଇଛନ୍ତି ଝିଅ। ଜିଲାରେ ୧୫୪ଜଣ କପି କରି ଧରାପଡ଼ିଛନ୍ତି, ଯାହା ରାଜ୍ୟସ୍ତରରେ ସର୍ବାଧିକ ବୋଲି ଜିଲା ଶିକ୍ଷାଧିକାରୀ ସୁଧାନନ୍ଦ ପରିଡ଼ା ସୂଚନା ଦେଇଛନ୍ତି।
ଜିଲାରେ ମୋଟ ୨୭୦ ହାଇସ୍କୁଲର ୧୭,୧୦୮ଜଣ ଫର୍ମପୂରଣ କରିଥିବାବେଳେ ୮୨ କେନ୍ଦ୍ରରେ ୧୬,୮୨୦ଜଣ ପରୀକ୍ଷା ଦେଇଥିଲେ। ୧୨,୦୦୩ଜଣ ପାସ୍ କରିଛନ୍ତି। ତନ୍ମଧ୍ୟରେ ୬,୦୩୮ ଝିଅ ଏବଂ ୫,୯୪୫ଜଣ ପୁଅ ା ଏ-୧ରେ ୩୮, ଏ-୨ରେ ୨୬୭, ବି-୧ରେ ୭୮୦, ବି-୨ରେ ୧୬୧୨, ‘ସି’ରେ ୨,୪୮୫, ‘ଡି’ ରେ ୩,୩୩୫, ‘ଇ’ରେ ୩,୪୮୬ଜଣ ପାସ୍ କରିଛନ୍ତି। ୪,୬୬୩ଜଣ ଫେଲ୍ ହୋଇଛନ୍ତି। ଏ-୧ରେ ପାସ୍ ଛାତ୍ରୀଛାତ୍ରଙ୍କ ମଧ୍ୟରୁ ସନ୍ଧ୍ୟାସୁଦ୍ଧା ୩୫ଜଣଙ୍କ ସୂଚନା ଜିଲା ଶିକ୍ଷା ବିଭାଗ ପକ୍ଷରୁ ପ୍ରକାଶିତ ହୋଇଛି। ତଦନୁଯାୟୀ, କାମାକ୍ଷାନଗର ସରସ୍ବତୀ ଶିଶୁ ବିଦ୍ୟାମନ୍ଦିରର କଳ୍ପତରୁ ସାହୁ ସର୍ବାଧିକ ୫୬୫ ନମ୍ବର ରଖି ଆଗରେ ରହିଛନ୍ତି। ଉକ୍ତ ସ୍କୁଲର ରାଜେଶ ପାଣିଗ୍ରାହୀ ୫୬୪ ମାର୍କ ରଖି ଦ୍ୱିତୀୟ ସ୍ଥାନ ହାସଲ କରିଛନ୍ତି। ଏହିକ୍ରମରେ କାନପୁରା ପଞ୍ଚାୟତିରାଜ ହାଇସ୍କୁଲର ସତ୍ୟବ୍ରତ ବେହେରା ତୃତୀୟ (୫୬୨), ଢେଙ୍କାନାଳ ସରସ୍ବତୀ ଶିଶୁ ବିଦ୍ୟାମନ୍ଦିରର ଅନିଲ କୁମାର ସାହୁ ଚତୁର୍ଥ (୫୫୫), ଜିରାଳ ହାଇସ୍କୁଲର ଜୟଶ୍ରୀ ନୂପୁର ପଞ୍ଚମ (୫୫୪) ସ୍ଥାନରେ ରହିଥିବା ଜଣାପଡ଼ିଛି।
ପରୀକ୍ଷାରେ କପି ଧରପଗଡ଼ରେ ଢେଙ୍କାନାଳ ପ୍ରଥମ ସ୍ଥାନରେ ରହିଛି। ଅସାଧୁ ଉପାୟ ଅବଲମ୍ବନ କରି ରାଜ୍ୟରେ ୧୦୩୯ଜଣ ଧରାପଡ଼ିଥିବାବେଳେ