ଜଶପୁର, ୧୧।୬: ଭାରତରେ କରୋନା ମହାମାରୀ ଯୋଗୁ ଆର୍ଥିକ ସ୍ଥିତି ଖରାପ ହେବାରେ ଲାଗିଛି। ଲକ୍ଡାଉନ୍ ଜାରି ରହିଥିବାରୁ ବହୁ ଚାଷୀ ସେମାନଙ୍କ ଅମଳ ଫସଲ ବିକ୍ରି କରିପାରୁ ନାହାଁନ୍ତି। କେତେକ କମ ଦାମରେ ଅମଳ ଫସଲ ବିକ୍ରି କରିବାକୁ ବାଧ୍ୟ ହେଉଛନ୍ତି। ଛତିଶଗଡ଼ ଜଶପୁରରେ ଚଳିତ ବର୍ଷ ଟମାଟୋ ଫସଲ ଭଲ ହୋଇଛି। ଜମିରେ ପାଚିଲା ଲାଲ ଟହ ଟହ ଟମାଟୋ ଗଛରେ ଝୁଲି ରହିଛି। ବିକ୍ରି କରିବାର ସୁବିଧା ନ ଥିବାରୁ ଚାଷୀ ଜମିରୁ ଟମାଟୋ ତୋଳୁ ନାହାଁନ୍ତିି ମଧ୍ୟ। ୧୦ ଟଙ୍କା ଦେଲେ ଗ୍ରାହକଙ୍କୁ ଜମିରେ ପଶି ନିଜ ହାତରେ ମନ ଇଛା ଟମାଟୋ ତୋଳି ନେବାକୁ ଚାଷୀ ଅନୁମତି ଦେଉଛନ୍ତି। ଚାଷୀଙ୍କର ଏହି ମନୋଲୋଭା ଅଫର କିଛି ଲୋକଙ୍କୁ ଆକୃଷ୍ଟ କରିବାରେ ଲାଗିଛି।
