କରୋନା ଯୋଗୁ ଜାରି ରହିଥିବା ଲକ୍ଡାଉନ ସମୟରେ ବଲିଉଡ୍ ଧକ୍ ଧକ୍ ଗର୍ଲ ମାଧୁରୀ ଦୀକ୍ଷିତ ଗୀତ ‘କ୍ୟାଣ୍ଡେଲ’ ମାଧ୍ୟମରେ ସଂଗୀତ ଜଗତରେ ଡେବ୍ୟୁ କରିଛନ୍ତି। ଏହି ଗୀତ ଶୁଣି ମାଧୁରୀଙ୍କ ସହ କଳାକାରମାନେ ତାଙ୍କ କଣ୍ଠ ସ୍ବରର ଦିଓ୍ବାନା ହୋଇଯାଇଛନ୍ତି। ଏବେ ଏହି ତାଲିକାରେ ଆଉ ଜଣଙ୍କ ନାମ ଯୋଡ଼ି ହୋଇଛି। ସେ ହେଲେ ଶାହାରୁଖ୍ ଖାନ୍। ଶାହାରୁଖ୍ ସୋସିଆଲ ମିଡିଆରେ ମାଧୁରୀଙ୍କର ମନଭରି ପ୍ରଶଂସା କରିଛନ୍ତି। ସେ ଲେଖିଛନ୍ତି, ମୋର ସହକଳାକାର, ବନ୍ଧୁ ତଥା ସବୁଠାରୁ ଟ୍ୟାଲେଟେଡ୍ ଅଭିନେତ୍ରୀ ହେଉଛନ୍ତି ମାଧୁରୀ ଦିକ୍ଷିତ। ତାଙ୍କଠାରୁ ମୋତେ ବହୁତ କିଛି ଶିଖିବାକୁ ମିଳିଛି, ଆଗକୁ ମଧ୍ୟ ଶିଖୁଥିବି। ତାଙ୍କ ସ୍ବର ମଧୁର ଏବଂ ସେ ନିଜେ ମଧ୍ୟ ବହୁତ ସୁନ୍ଦର ବୋଲି ଶାହାରୁଖ୍ ଲେଖିଛନ୍ତି।
କରୋନା ଭାଇରସକୁ ନେଇ ମାଧୁରୀ ଗୀତ କ୍ୟାଣ୍ଡେଲ ଗାଇଛନ୍ତି। ଗୀତ ରିଲିଜ୍ ସମୟରେ ସେ ଲେଖିଥିଲେ, ଗୀତକୁ ନେଇ ଖୁସି ଏବଂ ଉତ୍ସାହିତ ଅଛି। ଏବଂ ଟିକେ ନର୍ଭସ ମଧ୍ୟ। ଏହା ମୋର ପ୍ରଥମ ଗୀତ। ଆଶା କରୁଛି ସମସ୍ତଙ୍କୁ ପସନ୍ଦ ଆସିବ।
