ଖଇରା, ୧୩।୧୨(ଡି.ଏନ.ଏ.)-ବାଲେଶ୍ୱର ଜିଲା ଖଇରା ବ୍ଲକ ଅଧୀନ କଣ୍ଟାବଣିଆଠାରେ ୨୦୦୪ ମସିହାରୁ ଗଢି ଉଠିଥିବା କେଶବ ପୁରସ୍ତମ ମାନସିକ ଅନଗ୍ରସର ବିଦ୍ୟାଳୟ ଏବେ ବିଭିନ୍ନ ସମସ୍ୟା ଦେଇ ଗତି କରୁଛି ା ଏଭଳି ଦୁର୍ଦ୍ଦିନ ସମୟରେ ସହଯୋଗର ହାତ ବଢାଇଛନ୍ତି ସତ୍ୟସାଇ ଗ୍ରୁପ ଅଫ ଇଞ୍ଜିନିୟରିଂ କଲେଜ ଅଧ୍ୟକ୍ଷ ତଥା ଯୁବ ଭାଜପା ନେତା ବେଣୁମାଧବ ପଣ୍ଡା। ଗୁରୁବାର ସେ ନିଜ ସହଯୋଗୀଙ୍କ ସହ ବିଦ୍ୟାଳୟରେ ରହୁଥିବା ୪୬ଜଣ ଅନ୍ତେବାସୀ ଓ ବିଦ୍ୟାଳୟର ଶିକ୍ଷୟିତ୍ରୀ ଶିକ୍ଷକଙ୍କ ସହ ଭାବର ଆଦାନପ୍ରଦାନ କରିଛନ୍ତି ା କେବଳ ସେତିକି ନୁହେଁ ନିଜ ବ୍ୟକ୍ତିଗତ ସମ୍ବଳରୁ ସେ ପ୍ରତ୍ୟେକ ପିଲା ଓ କର୍ମଚାରୀଙ୍କ ପାଇଁ କମ୍ବଳ, ବିଦ୍ୟାଳୟ ପାଇଁ ଖେଳ ସରଞ୍ଜାମ ପ୍ରଦାନ କରିଛନ୍ତି। ଏଥିସହ ବିଦ୍ୟାଳୟ ପ୍ରତିଷ୍ଠାତା କେଶବ ଚନ୍ଦ୍ରଙ୍କ ସହ ବିଦ୍ୟାଳୟର ସୁବିଧା ଅସୁବିଧା ନେଇ ଆଲୋଚନା କରିବା ଅବସରରେ ବିଦ୍ୟାଳୟ ବାହାରେ ଓ ଭିତରେ ଉଜ୍ଜ୍ୱଳ ଆଲୋକ ବ୍ୟବସ୍ଥା ପାଇଁ ପ୍ରତିଶ୍ରୁତି ଦେଇଥିଲେ। ଅନ୍ତେବାସୀଙ୍କୁ ନିଜର ଖାଦ୍ୟ ପରଷିବା ପରେ କେତେକ ପିଲାଙ୍କୁ ସେ ମଧ୍ୟ ଖୁଆଇ ଦେଇଥିଲେ। ପଣ୍ଡାଙ୍କ ସହ ଯୁବନେତା ଅର୍ଦ୍ଧେନ୍ଦୁ ଶେଖର ଦାସ, ପୂର୍ବତନ ସମିତିସଭ୍ୟ ଅଭୟ ମହାନ୍ତି, ଯାତ୍ରା ଖଳନାୟକ ଦାମୋଦର ପଣ୍ଡା, କୁରୁଣ୍ଟା ପଞ୍ଚାୟତର ଯୁବନେତା ଦୀପକ ପଣ୍ଡା, ରାଜେଶ ରାଉତ ଓ ରମାକାନ୍ତ ଦାସ ପ୍ରମୁଖ ଉପସ୍ଥିତ ଥିଲେ ା ବିଦ୍ୟାଳୟ ପ୍ରଧାନ ଶିକ୍ଷୟିତ୍ରୀ ମମତା କର, ଗୀତାଞ୍ଜଳି ସାହୁ, ମମତାରାଣୀ ସାହୁ, କୃଷ୍ଣଚନ୍ଦ୍ର ପାଢୀ, ଲକ୍ଷ୍ମୀକାନ୍ତ ଦାସ କର୍ମଚାରୀ ପରେଶ ଦାସ, କୁଲୁ ଦନ୍ତା, ପ୍ରଶାନ୍ତ ଗିରି, ମଧୂସୁଦନ ଦାସ, ଭାସ୍କର ଚନ୍ଦ୍ର ପରମାଣିକ ଓ ଜୟନ୍ତୀ ସ୍ବାଇଁ ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ।