ମା’ବାପା ପିଲାମାନଙ୍କର ସବୁଠୁ ପ୍ରିୟ ହୋଇଥା’ନ୍ତି। ତେବେ ମା’ବାପା ହେବା କୌଣସି ସହଜ କଥା ନୁହେଁ। ପିଲାଙ୍କୁ ଛୋଟରୁ ବଡ଼ କରି ସେମାନଙ୍କୁ ଭଲ ନୀତି, ଆଦର୍ଶ ଶିକ୍ଷା ଦେଇ ଗଢ଼ିବାରେ ଅଭିଭାବକଙ୍କ ଅନେକ ଭୂମିକା ରହିଛି। ଯେପରି ପିଲାମାନଙ୍କ ଉତ୍ତମ ବ୍ୟବହାର ମା’ବାପାଙ୍କ ନାମ ଉଚ୍ଚ କରିଥାଏ, ଠିକ୍ ସେହିପରି କୁବ୍ୟବହାର ତାଙ୍କ ନାମରେ କଳଙ୍କ ଆଣିଥାଏ।
ଛୋଟରୁ ଅତି ଛୋଟ ଜିନିଷ ସମ୍ପର୍କରେ ପିଲାମାନଙ୍କୁ ଶିଖେଇବା ମା’ର ଦାୟିତ୍ୱ ହୋଇଥାଏ। କାରଣ ସନ୍ତାନଙ୍କ ପ୍ରଥମ ଗୁୁରୁ ମା’ ହୋଇଥାନ୍ତି।
ସେଥିରୁ ଏକ ଛୋଟ ବ୍ୟବହର ହେଉଛି ଡାଇନିଂରେ ବସି ଖାଇବା। ପ୍ରାୟତଃ ଖାଇବା ସମୟରେ କୌଣସି ଅଭିଭାବକ ସେମାନଙ୍କ ପିଲାଙ୍କ ଉପରେ ଧ୍ୟାନ ଦେଇ ନ ଥାଆନ୍ତି। ତେବେ ଡାଇନିଂ ଟେବୁଲ ଉପରେ ବସାଇ କିପରି ଖିଆଯାଏ, ତାହା ଆପଣଙ୍କ ପିଲାଙ୍କୁ ଶିଖାନ୍ତୁ। ସେମାନେ କିପରି ଖାଇବେ ଓ ଚାମଚ ଦ୍ୱାରା ଡାଇନିଂରେ ବସି ଖାଇବେ ତାହା ଶିଖାନ୍ତୁ। ଏହା କରିବା ଦ୍ୱାରା ପିଲା ବାହାରକୁ ଗଲେ ଆରାମରେ ଖାଇପାରିବେ ଏବଂ ଆପଣଙ୍କୁ ମଧ୍ୟ ସେମାନଙ୍କ ଚିନ୍ତା ରହିବନାହିଁ।
* ଡାଇନିଂ ଟେବୁଲରେ କେଉଁ ଜିନିଷ କେଉଁଠି ରହିବ, ତାହା ଶିିଖେଇବା ଉଚିତ। ପିଲାମାନେ ଶିଖିଥିଲେ ଆବଶ୍ୟକ ହେଲେ ଆପଣ ତାଙ୍କ ସାହାଯ୍ୟ ନେଇପାରିବେ।
ଏହା ସହ ପିଲାଙ୍କୁ ମୁହଁ ବନ୍ଦ କରି ଖାଇବା ଶିଖାନ୍ତୁ। ସେମାନଙ୍କୁ ଛୋଟ ଛୋଟ ଖଣ୍ଡ କରି ରୁଟି ଖାଇବା ଓ ଟିସୁ ବ୍ୟବହାର କରି କିପରି ମୁହଁ ପୋଛିବେ ଶିଖାନ୍ତୁ। ଏତଦ୍ ବ୍ୟତୀତ ସମାନଙ୍କୁ ପ୍ଲିଜ୍ ଓ ଥ୍ୟାଙ୍କ ୟୁ କହିବା ଶିଖନ୍ତୁ।