ନୂଆଦିଲ୍ଲୀ,୧୬।୧୨(ପି.ଟି.)- ପୂର୍ବତନ ଭାରତୀୟ କ୍ରିକେଟର ପ୍ରବୀଣ କୁମାଙ୍କ ବିରୋଧରେ ଫ୍ୟାକ୍ଟ୍ରି ମାଲିକଙ୍କୁ ମାରପିଟ୍ କରିଥିବା ପୋଲିସରେ ଅଭିଯୋଗ ହୋଇଛି। କିନ୍ତୁ ସୋମବାର ଏହାକୁ ଅସ୍ବୀକାର କରିଛନ୍ତି ପ୍ରବୀଣ। ତାଙ୍କ ସମ୍ମାନରେ ଆଞ୍ଚ ଆଣିବା ପାଇଁ ସ୍ଥାନୀୟ ରାଜନେତାଙ୍କର ଏହା ଏକ ପ୍ରୟାସ। ଗତ ଶନିବାର ମିରଟର ମୁଲତାନ ନଗରରେ ସ୍କୁଲ ବସରୁ ଛୁଆମାନେ ଓହ୍ଲାଉଥିବାବେଳେ କାର ପାଇଁ ରାସ୍ତା ନ ଥିବାରୁ ଫ୍ୟାକ୍ଟ୍ରି ମାଲିକ ଦୀପକଙ୍କ ସହ ଯୁକ୍ତିତର୍କ ଓ ପରେ ମାରପିଟ କରିଥିବା ଅଭିଯୋଗ ହୋଇଥିଲା। ଅନ୍ୟପକ୍ଷରେ ଅଭିଯୋଗ ସମ୍ପୂର୍ଣ୍ଣ ଭିତ୍ତିହୀନ। ସେ ମୋ ଚେନ୍ ଛଡ଼ାଇ ନେବାକୁ ଉଦ୍ୟମ କରିଥିଲେ। ଏହି ଘଟଣାରେ ସ୍ଥାନୀୟ ରାଜନେତାଙ୍କ ହାତ ରହିଛି। ମୁଁ ସେହି ଅଞ୍ଚଳରେ ରହେ ନାହିଁ। ମାତ୍ର ସେଠାରେ ମୋର ଦୁଇରୁ ୩ଟି ଘର ଅଛି। ସେ ସବୁରେ ଚାଲିଥିବା ରଙ୍ଗ କାମ ତଦାରଖ ପାଇଁ ସେଠାକୁ ଯାଇଥିଲି ବୋଲି ଅନ୍ତର୍ଜାତୀୟ ସ୍ତରରେ ୬ ଟେଷ୍ଟ ଓ ୬୮ ଦିନିକିଆ ଖେଳି ୧୦୪ ଉଇକେଟ ହାତେଇଥିବା ପ୍ରବୀଣ କହିଛନ୍ତି। ଏଠାରେ କିଛି ଲୋକ ଅଛନ୍ତି, ଯେଉଁମାନେ ଅନ୍ୟର ସଫଳତା ଦେଖିପାରୁ ନାହାନ୍ତି। ଶସ୍ତା ଲୋକପ୍ରିୟତା ପାଇବା ପାଇଁ ଉଦ୍ୟମ କରୁଛନ୍ତି। ଜଣେ କ୍ରିକେଟରଙ୍କ ସମ୍ମାନହାନି କରିବା ପାଇଁ ମିଛ କୁହାଯାଉଛି। ମୁଁ ମଧ୍ୟ ତାଙ୍କୁ ନେଇ ଏକ ଅଭିଯୋଗ କରିଛି। ତେବେ ପ୍ରବୀଣଙ୍କ ନାମରେ ଏଭଳି ଅଭିଯୋଗ ପ୍ରଥମ ଘଟଣା ନୁହେଁ। ୨୦୦୮ରେ ସେ ସାଙ୍ଗଙ୍କ ସହ ମିଶି ଜଣେ ଡାକ୍ତରଙ୍କୁ ପିଟିଥିବା ଅଭିଯୋଗ ହୋଇଥିଲା।