ଚେନ୍ନାଇ,୩୧।୩: କରୋନା ଭାଇରସ ଏବେ ସାରା ବିଶ୍ୱକୁ ଚିନ୍ତାରେ ପକାଇ ଦେଇଛି। ଭାରତରେ କରୋନା ସଂକ୍ରମଣଙ୍କ ସଂଖ୍ୟା ବଢି ଚାଲିଥିବା ବେଳେ ଏବେ ସବୁ ରାଜ୍ୟରେ ଡାକ୍ତର, ନର୍ସ ଓ ସ୍ବାସ୍ଥ୍ୟକର୍ମୀମାନଙ୍କୁ ସଜାଗ ରହିବାକୁ ନିର୍ଦ୍ଦେଶ ଦିଆଯାଇଛି। ଏହିକ୍ରମରେ ତାମିଲନାଡୁରେ ମାର୍ଚ୍ଚ ୩୧, ୨୦୨୦ରେ ଯେଉଁ ଡାକ୍ତର ଓ ନର୍ସମାନେ ଅବସର ନେବାର ଥିଲା ସେମାନେ ଚୁକ୍ତି ଭିତ୍ତିରେ ଆଉ ୨ମାସ ସେବା ଯୋଗାଇବେ ବୋଲି କହିଛନ୍ତି ମୁଖ୍ୟମନ୍ତ୍ରୀ ଇଡାପ୍ପାଡି କେ. ପଲାନିସ୍ବାମୀ। ସୂଚନାଯୋଗ୍ୟ, ତାମିଲନାଡୁରେ ମଙ୍ଗଳବାର ସକାଳ ସୁଦ୍ଧା ୭୪ ଜଣ କରୋନା ସଂକ୍ରମିତଙ୍କୁ ଚିହ୍ନଟ କରାଯାଇଛି।