ଲସ୍ ଆଞ୍ଜେଲ୍ସ, ୨୧ା୧୨ (ଏଏଫ୍ପି)-ମେକ୍ସିକୋର ଜୁଲିଓ ସେସାର୍ ମାର୍ଟିନେଜ୍ ଡବ୍ଲ୍ୟୁବିସି (ଓ୍ବାଲର୍ଡ ବକ୍ସିଂ କାଉନ୍ସିଲ) ଫ୍ଲାଇଓ୍ବେଟ୍ ଟାଇଟଲ ଜିତିଛନ୍ତି। ଶୁକ୍ରବାର ସେ ଏକ ୯ ରାଉଣ୍ଡ ବିଶିଷ୍ଟ ମୁକାବିଲାରେ ସେ ନିକାରାଗୁଆର କ୍ରିଷ୍ଟୋଫର ରୋସେଲ୍ସଙ୍କୁ ହରାଇ ଏହି ସଫଳତା ହାସଲ କରିଛନ୍ତି। ଆରିଜୋନାର ଫୋନିକ୍ସଠାରେ ଅନୁଷ୍ଠିତ ଏହି ଫାଇଟ୍ ପରେ ମାର୍ଟିନେଜଙ୍କ ବିଜୟ ଓ ପରାଜୟ ରେକର୍ଡ ୧୫-୧ରେ ପହଞ୍ଚତ୍ଛି। ଅନ୍ୟପକ୍ଷରେ ପରାଜୟ ଦ୍ୱାରା ରୋସସେଲ୍ସଙ୍କ ରେକର୍ଡ ୨୯-୫ ହୋଇଛି। ମାର୍ଟିନେଜଙ୍କର ଏହା ଥିଲା କ୍ରମାଗତ ୧୫ତମ ବିଜୟ। ଦୁଇଥର ପ୍ରଚେଷ୍ଟାରେ ସେ ଡବ୍ଲ୍ୟୁବିସି ଫ୍ଲାଇଓ୍ବେଟ୍ ଜିତିଛନ୍ତି। ୨୪ ବର୍ଷୀୟ ମାର୍ଟିନେଜ ଗତ ଅଗଷ୍ଟରେ ଲଣ୍ଡନରେ ଚାର୍ଲି ଏଡଓ୍ବାଡର୍ସଙ୍କୁ ନକ୍ଆଉଟ କରି ପ୍ରଥମେ ଏହି ଟାଇଟଲ ଜିତିଥିଲେ। ମାତ୍ର ଏଥିରେ ତ୍ରୁଟି ଥିବାରୁ ପରବର୍ତ୍ତୀ କାଳରେ ଏହି ଫାଇଟ୍କ ରଦ୍ଦ କରି ଦିଆଯାଇଥିଲା। ୧୧୨-ପାଉଣ୍ଡ ଡିଭିଜନ ଅନ୍ତର୍ଗତ ଅନ୍ୟ ବିଶ୍ୱ ଚାମ୍ପିୟନଙ୍କ ମଧ୍ୟରେ ଦକ୍ଷିଣ ଆଫ୍ରିକାର ମୋରୁତି ଏମ୍ଥାଲେନ୍ଙ୍କୁ ଚଳିତ ମାସ ଶେଷ ଭାଗରେ ତାଙ୍କ ଇଣ୍ଟରନ୍ୟାଶନାଲ ବକ୍ସିଂ ଫେଡରେଶନ (ଆଇବିଏଫ୍) ଟାଇଟଲ ବଜାୟ ରଖିବାକୁ ହେବ। ୟୋକୋହାମାଠାରେ ହେବାକୁଥିବା ଏହି ବାଉଟ୍ରେ ସେ ଜାପାନର ଆକିରା ୟେଗାଶିଙ୍କ ସହିତ ମୁକାବିଲା କରିବେ। ଏହାଛଡ଼ା ୟୁକ୍ରେନର ଅପରାଜେୟ ଆର୍ଟେମ ଡାଲାକିଆନ୍ଙ୍କୁ ଓ୍ବାଲର୍ଡ ବକ୍ସିଂ ଆସୋସିଏଶନ ଚାମ୍ପିୟନ ଟାଇଟଲ ବଜାୟ ରଖିବାକୁ ହେବ।