ଢେଙ୍କାନାଳ ଅଫିସ, ୧୨।୪-କରୋନା ବିପତ୍ତି ବେଳେ ଅତ୍ୟାବଶ୍ୟକ ସାମଗ୍ରୀ ପହଞ୍ଚାଉଥିବା ଟ୍ରକ୍ ଚାଳକଙ୍କୁ ଢେଙ୍କାନାଳ ଛାତ୍ର ବିଜେଡି ପକ୍ଷରୁ ୫୫ନଂ. ଜାତୀୟ ରାଜପଥର ବିଭିନ୍ନ ସ୍ଥାନରେ ରନ୍ଧାଖାଦ୍ୟ ବଣ୍ଟନ କରାଯାଇଛି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିର୍ଦ୍ଦେଶ ଏବଂ ଖଣିମନ୍ତ୍ରୀ ପ୍ରଫୁଲ୍ଲ ମଲ୍ଲିକ, ବିଧାୟକ ସୁଧୀର ସାମଲଙ୍କ ପରାମର୍ଶକ୍ରମେ ଏହି କାର୍ଯ୍ୟକ୍ରମ ଆୟୋଜିତ ହୋଇଥିଲା।
ଲକ୍ଡାଉନ ସମୟରେ ବାହାରୁ ଆସୁଥିବା ଭାରିଯାନ ଚାଳକମାନେ ଯେପରି ହଇରାଣ ନ ହେବେ ସେଥିଲାଗି ରାଜ୍ୟ ସରକାରଙ୍କ ନିର୍ଦ୍ଦେଶରେ ୫୫ନଂ. ଜାତୀୟ ରାଜପଥ ପାର୍ଶ୍ୱରେ ୨୦କିମି ବ୍ୟବଧାନରେ ଢାବା ଖୋଲାଯାଇଛି। ହେଲେ ଉକ୍ତ ଢାବାଗୁଡ଼ିକରେ ଆବଶ୍ୟକ ଖାଦ୍ୟ ମିଳୁନାହିଁ। ଫଳରେ ବିଭିନ୍ନ ସ୍ଥାନରୁ ମାଲ ନେଇ ଆସୁଥିବା ଡ୍ରାଇଭର ଏବଂ ସେମାନଙ୍କ ସହଯୋଗୀ ସମସ୍ୟାର ସମ୍ମୁଖୀନ ହେଉଛନ୍ତି। ରବିବାର ଜିଲା ଛାତ୍ର ବିଜେଡି ସଭାପତି ସୁରଜ ମହାପାତ୍ରଙ୍କ ନେତୃତ୍ୱରେ ଦଳୀୟ କର୍ମୀମାନେ ସେମାନଙ୍କୁ ରନ୍ଧାଖାଦ୍ୟ ବଣ୍ଟନ କରିଥିଲେ। ନଗର ଛାତ୍ର ବିଜେଡି ସଭାପତି ସୋନୁରାମ ସିଂ, ଆଶୁତୋଷ କର, ରାଜେଶ ବେହେରା, ସୌମ୍ୟରଞ୍ଜନ ମହାନ୍ତି, କୁନା ସାହୁ, ଅଭିଳାଷ ସାହୁ, ପ୍ରଦ୍ୟୁମ୍ନ ଦାସ, ଅଜୟ ବେହେରା, ବିଶ୍ୱରଞ୍ଜନ ସାହୁ, ସୁଶୀଲ ଗୋଚ୍ଛାୟତ ପ୍ରମୁଖ ଏଥିରେ ସହଯୋଗ କରିଥିଲେ।