ଭୁବନେଶ୍ୱର,୧୨।୧୨(ବ୍ୟୁରୋ): ଲୋକପ୍ରିୟ ରାନ୍ଧଣା ଶୋ’ ‘ମାଷ୍ଟର ସେଫ୍ ସିଜନ-୬’ରେ ଓଡ଼ିଆ ପୁଅ ଅବିନାଶ ନାୟକଙ୍କ କମାଲ। ଜାତୀୟ ଟେଲିଭିଜନ ସଂସ୍ଥା ଷ୍ଟାର ପ୍ଲସ୍ରେ ପ୍ରସାରିତ ହେଉଥିବା ଏହି ଶୋ’ରେ ଅବିନାଶ ଅଡିସନ ରାଉଣ୍ଡରେ ମନୋନୀତ ହୋଇଛନ୍ତି। ଏପରି କରିବାରେ ସେ ଓଡ଼ିଶାରୁ ପ୍ରଥମ।
ଗଞ୍ଜାମ ଜିଲା କାଳଷଣ୍ଢପୁର ଗ୍ରାମରେ ଅବିନାଶଙ୍କ ଘର। ଇଲେକ୍ଟୋନିକ୍ସ ଓ ଟେଲିକମ୍ୟୁନିକେଶନ ଇଞ୍ଜିନିୟରିଂ ପଢ଼ା ସାରି ହାଇଦ୍ରାବାଦରେ ଏକ ଆଇଟି କମ୍ପାନୀରେ ସେ ଚାକିରି କରୁଛନ୍ତି। ଏଥିସହ ତାଙ୍କର ରାନ୍ଧଣା ସଉକ ରହିଆସିଛି। ପୂର୍ବରୁ ସେ ଅନେକେ ରାକ୍ଷଣା ପ୍ରତିଯୋଗିତାରେ ଭାଗ ନେଇଥିବା ବେଳେ ମାଷ୍ଟର ସେଫ୍ର ଚଳିତ ସିଜନ୍ରେ ଯୋଗ ଦେଇଛନ୍ତି। ପ୍ରାରମ୍ଭିକ ରାଉଣ୍ଡ(ଅଡିସନ୍)ରେ ସେ ୩ଜଣ ବିଚାରକ ବିକାଶ ଖାନ୍ନ, ରଣବୀର ବରାର, ଭିନିତ ଭାଟିଆଙ୍କୁ ଚିକେନ ବେସର ଚଖାଉ ଚକିତ କରିଦେଇଛନ୍ତି। ଏହି ରାଉଣ୍ଡରେ ସେ ମନୋନୀତ ହେବା ସହ ଆପ୍ରନ ପାଇବାକୁ ଯୋଗ୍ୟ ହୋଇଛନ୍ତି। ତେବେ ତାଙ୍କ ଡିସ୍ ଚାଖିବା ବେଳେ ବିକାଶ ଜୟ ହୋ ଓଡ଼ିଶା କହିବା ଦେଖିବାକୁ ମିଳିଛି। ସୋସିଆଲ ମିଡିଆରେ ଏହାର ଭିଡିଓ ଭାଇରାଲ ହେଉଛି। ଆସନ୍ତା ରାଉଣ୍ଡରେ ବି ସେ ତାଙ୍କ ହାତରନ୍ଧାର ଯାଦୁ ଜାରି ରଖିବେ ବୋଲି ଆଶା କରାଯାଉଛି।