କୁଆମରା,୭ା୪(ଡି.ଏନ୍.ଏ.)- କରୋନା ମୁକାବିଲା ପାଇଁ ଗୋପବନ୍ଧୁ ନଗର ବ୍ଲକ ପଶୁଦା ପଞ୍ଚାୟତର ଅଛଡା ନବଜ୍ୟୋତି କିଶୋର କ୍ଲବ ପକ୍ଷରୁ ବିଭିନ୍ନ ଗ୍ରାମର ଲୋକଙ୍କୁ ସଚେତନ କରାଯିବା ସହ ମାସ୍କ ଓ ସାବୁନ ବଣ୍ଟନ କରାଯାଇଛି। କ୍ଲବର ସଭାପତି ପାର୍ଥ ସାରଥୀ ସାହୁ, ସମ୍ପାଦକ ଲେଲିନ କୁମାର ଦେଙ୍କ ତତ୍ତ୍ୱାବଧାନରେ ସଂଘର ସଭ୍ୟ ମାନେ ମାସ୍କ ଓ ସାବୁନ ବଣ୍ଟନ ବିତରଣ କରିଥିଲେ। ସେହିପରି ବରଡିହି ପଞ୍ଚାୟତର ଦେବ ଗାଁ ଉପ୍ରା ବିଦ୍ୟାଳୟର ପ୍ରଧାନ ଶିକ୍ଷକ ରବୀନ୍ଦ୍ର ବେହେରା ଓ ସହକାରୀ ଶିକ୍ଷକମାନେ ଛାତ୍ରୀଛାତ୍ରମାନଙ୍କ ଘରକୁ ଘର ବୁଲି ସାବୁନ ବଣ୍ଟନ କରିବା ସହ ସଚେତନ କରାଇଥିଲେ। ପୁରୁଣା ବାରିପଦା ସନ୍ତୋଷୀ ସେବା ସମିତିର ସଭାପତି ରାଧିକା ଶର୍ମା ଓ ସମ୍ପାଦିକା କ୍ରିଷ୍ଣା ବାଇ ଶର୍ମାଙ୍କ ତତ୍ତ୍ୱାବଧାନରେ ମୁଖ୍ୟ ରାସ୍ତା ଭୋଳପୋଖରୀ ଠାରୁ ଦାମାସାହି ପର୍ଯ୍ୟନ୍ତ ବୁଲା କୁକୁରମାନଙ୍କୁ ଖାଦ୍ୟ ବଣ୍ଟନ କରାଯାଇଛି।