ଘଟଗାଁ, ୧୧ା୯(ଡି.ଏନ୍.ଏ.)- ଘଟଗାଁ ମା’ ତାରିଣୀଙ୍କୁ ଭକ୍ତଙ୍କ ଦାନଅର୍ଥ ଟ୍ରଷ୍ଟବୋର୍ଡ଼ ପକ୍ଷରୁ ମଙ୍ଗଳବାର ଖୋଲାଯାଇ ଗଣତି କରାଯାଇଛି। ଏଥିରୁ ନଗଦ ଅର୍ଥ ୧୮ଲକ୍ଷ ୮୯ ହଜାର ୭୮୮ ଟଙ୍କା ମିଳିଥିବାବେଳେ ସୁନା ଅଳଙ୍କାର ୭୨ ଗ୍ରାମ ୫୧୦ ମିଲିଗ୍ରାମ ମିଳିଥିଲା। ଯାହାକି ଅଗଷ୍ଟ ମାସରେ ସର୍ବାଧିକ ରେକର୍ଡ଼ ବୋଲି ଟ୍ରଷ୍ଟବୋର୍ଡ଼ ପକ୍ଷରୁ ଜଣାଯାଇଛି। ଏହି ଗଣତିକୁ ଟ୍ରଷ୍ଟବୋର୍ଡ଼ ପକ୍ଷରୁ ମନ୍ଦିର ପରିସର ଥିବା ଦାନବାକ୍ସ (ହୁଣ୍ଡି) ୧୩ ଗୋଟି ଦିନ ୧୧ଟା ବେଳେ ଖୋଲାଯାଇ ଟ୍ରଷ୍ଟବୋର୍ଡ଼ କାର୍ଯ୍ୟାଳୟକୁ ଅଣାଯାଇଥିଲା। ଗଣତିବେଳେ ମନ୍ଦିର ପରିଚାଳନା ବୋର୍ଡ଼ ସଭାପତି ରାଜେନ୍ଦ୍ର ପଟ୍ଟନାୟକ, ମନ୍ଦିର ଟ୍ରଷ୍ଟବୋର୍ଡ ସଦସ୍ୟ ନିର୍ମଳ କୁମାର ମହାନ୍ତି, ଦୟାନିଧି ମହାନ୍ତ, ଆନନ୍ଦ ଚନ୍ଦ୍ର ସିଂହ, ଦେବୋତ୍ତର ନିରୀକ୍ଷକ ତ୍ରିଲୋଚନ ନାୟକ ଓ ପୋଲିସ କର୍ମଚାରୀଙ୍କ ଉପସ୍ଥିତିରେ ଖୋଲାଯାଇଥିଲା। ଗଣତିବେଳେ ମନ୍ଦିର କର୍ମଚାରୀ ଅକ୍ଷୟ ବେହେରା, ହରେକୃଷ୍ଣ ପଲେଇ, ଶରତ ବେହେରା, ରମେଶ ଚନ୍ଦ୍ର ରାଉତ, ନାରାୟଣ ମୁଖୀ, ଅବନୀ ଜେନା, ପ୍ରାଣବନ୍ଧୁ ସରାଡିଆ, ଚନ୍ଦ୍ରାମୁଖୀ, ରଞ୍ଜନ ସାହୁ, ମହେଶ୍ୱର ସାହୁ, ହରିହର ମହାନ୍ତ, ଅରୁଣ ନାଏକ, ମହେଶ୍ୱର ଦେହୁରୀ, ଗଗନବାଳ ବାବୁଲିସା, ଚକ୍ରଧର ନାଏକ, କୁଳମଣି ପଲେଇ ପ୍ରମୁଖ ୨୫ରୁ ଊର୍ଦ୍ଧ୍ୱ କର୍ମଚାରୀ ଗଣତିବେଳେ ଉପସ୍ଥିତ ଥିଲେ। ତେବେ ଏହି ଦାନ ଅର୍ଥ ଚଳିତ ମାସ ରେକର୍ଡ ପରିମାଣ ବୋଲି ଜଣାଯାଇଛି।