ତାଳଚେର,୯ା୭(ନି.ପ୍ର.)- ତାଳଚେରର ଅଧିଷ୍ଠାତ୍ରୀ ଦେବୀ ମା’ ହିଙ୍ଗୁଳାଙ୍କ ନୂତନ ମନ୍ଦିରର ରତ୍ନମୁଦ ଉତ୍ସବ ସୋମବାର ଅନୁଷ୍ଠିତ ହୋଇଥିଲା। ଏଥିରେ ଲକ୍ଷାଧିକ ଶ୍ରଦ୍ଧାଳୁ ଯୋଗ ଦେବା ସହ ଭବ୍ୟ ମନ୍ଦିର ନିର୍ମାଣ ପାଇଁ ଅକୁଣ୍ଠ ଚିତ୍ତରେ ଅର୍ଥ ଦାନ କରିଥିଲେ। ରତ୍ନମୁଦ ଉତ୍ସବ ବେଳେ ଭକ୍ତମାନେ ମୋଟ୍ ୨୨ ଲକ୍ଷ ୮୦ ହଜାର ୬୨୫ ଟଙ୍କା ଦାନ କରିଥିବା ଟ୍ରଷ୍ଟବୋର୍ଡ ପକ୍ଷରୁ ସୂଚନା ଦିଆଯାଇଛି। ଏଥିସହ ସମସ୍ତ ଭକ୍ତଙ୍କୁ ଧନ୍ୟବାଦ ମଧ୍ୟ ପ୍ରଦାନ କରାଯାଇଛି। ସେହିପରି ମା’ଙ୍କ ପୀଠରେ ଥିବା ସମସ୍ତ ହୁଣ୍ଡିକୁ ଖୋଲାଯାଇ ମଙ୍ଗଳବାର ଗଣତି କରାଯାଇଥିଲା। ଟ୍ରଷ୍ଟବୋର୍ଡ ସଦସ୍ୟ ମୁରଲୀଧର ସାହୁ, ରାଜେନ୍ଦ୍ର କୁମାର ସିଂ, ସନ୍ତୋଷ କୁମାର ପ୍ରଧାନ, ଗଗନ ବିହାରୀ ସାହୁ ପ୍ରମୁଖଙ୍କ ଉପସ୍ଥିତିରେ ମୋଟ୍ ୨ ଲକ୍ଷ ୮୬ ହଜାର ୮୬୦ ଟଙ୍କା ସଂଗ୍ରହ କରାଯାଇଥିଲା। ଏଥିରେ ନରେନ୍ଦ୍ର ସିଂ, ଭୁବନାନନ୍ଦ ବିଶ୍ୱାଳ, ଧୂଳେଶ୍ୱର ବେହେରା, ପଞ୍ଚାନନ ବେହେରା, ଜୟନ୍ତ ଦେହୁରୀ, ଅର୍ଜୁନ ବେହେରା, ପ୍ରତାପ ବେହେରା, ବିଭୂତି ସାମଲ, ମିଲୁ ସାମଲ, କିଶୋର ଦେହୁରୀ ଓ ସାମାଜିକ କର୍ମୀ ବିଭୂତି ଭୂଷଣ ସ୍ବାଇଁ ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ।
