ବଲାଙ୍ଗୀର ଅଫିସ,୨୯ା୪- ବଲାଙ୍ଗୀର ଜିଲାରେ ଏ ପର୍ଯ୍ୟନ୍ତ କରୋନାରେ ସଂକ୍ରମିତ ରୋଗୀ ଚିହ୍ନଟ ହୋଇନାହାନ୍ତି। ଏହି ଜିଲାରେ ଏବେ ଗ୍ରୀନ୍ ଜୋନ୍ରେ ରହିଛି । ଏହାସତ୍ତ୍ୱେ କିଛି ହଟଚମଟକାରୀ ଅସାମାଜିକ ତତ୍ତ୍ୱ କରୋନା ସଂକ୍ରମଣ ସମ୍ପର୍କରେ ମିଛ ଖବର ପରିବେଷଣ କରି ଜନସାଧାରଣଙ୍କୁ ଆତଙ୍କିତ ଓ ବିଭ୍ରାନ୍ତ କରୁଛନ୍ତି । କିଛିଦିନ ତଳେ ସୋସିଆଲ ମିଡିଆରେ ବଲାଙ୍ଗୀର ଜିଲା ଲାଠୋର ପଞ୍ଚାୟତର ଏକ ଶିଶୁକନ୍ୟାକୁ କରୋନା ପଜିଟିଭ ଚିହ୍ନଟ କରାଯାଇଥିବା ନେଇ ମିଛ ଖବର ପରିବେଷଣ କରାଯାଇଥିଲା । ଏକ ନିର୍ଦ୍ଦିଷ୍ଟ ଟିଭିର ଲୋଗୋ ବ୍ୟବହାର କରି ଏଭଳି ମିଛ ଖବର ପରିବେଷଣ କରିବା ପରେ ଜିଲାରେ ହଇଚଇ ସୃଷ୍ଟି ହୋଇଥିଲା । ଏ ନେଇ ବଲାଙ୍ଗୀର ପୋଲିସ ଅନୁସନ୍ଧାନ କରିବା ପରେ କିଛି ଅସାମାଜିକ ତତ୍ତ୍ୱ ଏଭଳି ମିଛ ଖବର ପରିବେଷଣ କରିଥିବା ଜଣାପଡିଥିଲା । ଏହି ମିଛ ଖବର ପରିବେଷଣ ମାମଲାରେ ପୋଲିସ ୩ ଜଣ ଯୁବକଙ୍କୁ ଗିରଫ କରିଛି । ଗିରଫ ଯୁବକମାନେ ହେଲେ ସଇଁତଲା ଥାନା ଡଙ୍ଗରପଡାର ସତ୍ୟାନନ୍ଦ ଭୋଇ (୩୦), ଦେଓଗଁା ଥାନା ଅଧୀନ ପିପଲପଦର ମହାକୁରପାଲିର ବବୁଲୁ ମହାକୁର (୨୩) ଓ ବିଲାସପୁର ଗଁାର ଆନନ୍ଦ ଓରଫ୍ ଅନୋଦ ମହାକୁର (୨୭)।
