ଆବଶ୍ୟକ ସାମଗ୍ରୀ
ଘିଅ ୩ଚାମଚ(ବଡ଼),ଦୁଇଟି ବଡ଼ ତେଜପତ୍ର,କଞ୍ଚାଲଙ୍କା୫-୬ଟି,କଳା ଅଳେଇଚ୨-୩ଟି,ଡାଳଚିନି ଦୁଇଖଣ୍ଡ, ଲବଙ୍ଗ ୭-୮ଟି, ଜାଇତ୍ରୀ-୧ଟି,କେସର ୩-୪ଖଣ୍ଡ,ଅଦା ଏକ ଚାମଚ, ବାସ୍ମତି ଚାଉଳ ଏକ କପ୍, କାଜୁ ୧୨-୧୬ଟି, କିସ୍ମିସ୍ ଏକଚତୁର୍ଥାଂଶ, ପିସ୍ତା ୧୨-୧୬ଟି, ଚିନି ଦୁଇ ବଡ଼ ଚାମଚ, ଲୁଣ ଆବଶ୍ୟକ ପରିମାଣର, ଜାଇଫଳ ଏକ ଛୋଟ ଚାମଚ, ହଳଦୀ ପାଉଡର୧-୨ଚାମଚ, ଗ୍ରୀନ୍ ମଟରଏକ କପ୍, ପାଣି ଦୁଇକପ୍।
ପ୍ରସ୍ତୁତି ପ୍ରଣାଳୀ
ମିଠା ପଲାଉ ପ୍ରସ୍ତୁତ କରିବାକୁ ହେଲେ ପ୍ରଥମେ ଏକ ବଡ଼ ପାତ୍ରରେ ଚାଉଳକୁ ଦଶମିନିଟ୍ ପର୍ଯ୍ୟନ୍ତ ଭିଜାଇ ରଖନ୍ତୁ। ଏହାପରେ ଏକ କଡ଼ାଇରେ ଘିଅ ଗରମ କରନ୍ତୁ। ସେଥିରେ ଗୋଟା ମସଲା ସବୁ ପକାଇ ନାଲି ହେବା ପର୍ଯ୍ୟନ୍ତ ଭାଜନ୍ତୁ। ପରେ ତାକୁ ପାତ୍ରରେ ରଖିଦିଅନ୍ତୁ। ଏବେ ଭିଜାଯାଇଥିବା ଚାଉଳକୁ ଛାଣି କଡ଼ାଇରେ କିଛି ସମୟ ପାଇଁ ଫ୍ରାଏ କରନ୍ତୁ। ଏହାପରେ ଏକ ଅଲଗା ପାତ୍ର ନେଇ ପାଣି ଗରମ କରନ୍ତୁ। ପାଣି ଫୁଟିଲା ବେଳକୁ ସେଥିରେ ଚାଉଳ ପକାନ୍ତୁ। ଏହା ହୋଇଗଲା ପରେ ପାଣି ସବୁକୁ ନିଗାଡ଼ି ଦିଅନ୍ତୁ। ଏବେ ସେଥିରେ ଚିନି, କେସର ଓ ମସଲା ସବୁ ପକାଇ ହାଲ୍କା ଆଞ୍ଚରେ ବସାନ୍ତୁ। ସେଥିରେ ଏବେ କାଜୁ, କିସ୍ମିସ୍, ପିସ୍ତାବାଦାମ ଆଦି ପକାଇ ୧୦ମିନିଟ୍ ପର୍ଯ୍ୟନ୍ତ ଘୋଡ଼ାଇ ରଖି ଦିଅନ୍ତୁ। ଏବେ ପ୍ରସ୍ତୁତ ହୋଇଗଲା ମିଠା ପଲାଉ।