ବୁଗୁଡା,୨୨ା୪(ଡି.ଏନ.ଏ.)-ବୁଗୁଡ଼ା ମିଡିଆ କ୍ଲବ ପକ୍ଷରୁ ମଙ୍ଗଳବାର ସ୍ଥାନୀୟ ସହରର ବିଭିନ୍ନ ସ୍ଥାନରେ ଲୋକମାନଙ୍କୁ ମାସ୍କ ଓ ସାବୁନ ବଣ୍ଟନ ସହ କରୋନା ସମ୍ପର୍କରେ ସଚେତନ କରାଯାଇଥିଲା। କରୋନା ମହାମାରୀରୁ ରକ୍ଷା ନିମନ୍ତେ ସହରରେ ଲକ୍ଡାଉନ ଓ ସଟଡାଉନ ଲାଗୁ ହୋଇଥିବାବେଳେ ଘରେ ରହିବା, ପଦାକୁ ବାହାରିବା ବେଳେ ମାସ୍କ ପିନ୍ଧିବା, ସାମାଜିକ ଦୂରତ୍ୱ ରକ୍ଷା କରିବା ଏବଂ ସାବୁନରେ ହାତ ଧୋଇବା ଆଦି ବିଷୟରେ ଲୋକମାନଙ୍କୁ କ୍ଲବର ସଭ୍ୟମାନେ ସଚେତନ କରିବା ସହ ସେମାନଙ୍କୁ ମାସ୍କ ଓ ସାବୁନ ବଣ୍ଟନ କରିଥିଲେ। ଉକ୍ତ କାର୍ଯ୍ୟକ୍ରମରେ ମିଡିଆ କ୍ଲବର ସମସ୍ତ ଖରରଦାତା ଉପସ୍ଥିତ ଥିଲେ।