ଗୋପାଳପୁର,୨୫ା୩-ଆଗାମୀ ଦିନରେ ସୈନ୍ୟ ବାହିନୀରେ ଲୋୟର ଡିଭିଜନ କ୍ଲର୍କ (ଏଲଡିସି)ରେ ଚାକିରି କରାଇଦେବା ନାଁରେ ଠକେଇ କରିଥିବା ଅଭିଯୋଗରେ ଗତ ୨୦ ତାରିଖରେ ଜନୈକ ଯୁବକଙ୍କୁ ମିଲିଟାରୀ ଗୋଇନ୍ଦା ଓ ଗୋପାଳପୁର ଥାନା ପୋଲିସ ସହାୟତାରେ ଗିରଫ କରାଯାଇ କୋର୍ଟଚାଲାଣ କରାଯାଇଥିଲା। ବର୍ତ୍ତମାନ ମଧ୍ୟ କିଛି ଦଲାଲ ସକ୍ରିୟ ରହିଛନ୍ତି। ବିଭିନ୍ନ ଚାକିରି ଆଶାୟୀଙ୍କୁ ସେମାନେ ଟାର୍ଗେଟ କରୁଥିବା ଖବର ମିଲିଟାରୀ ଗୁଇନ୍ଦା ଅଧିକାରୀଙ୍କ ନିକଟରେ ପହଞ୍ଚତ୍ଥିବା ସେମାନଙ୍କ ଠାରୁ ସୂଚନା ମିଳିଛି। ଉକ୍ତ ଦଲାଲମାନେ ଏବେ ମିଲିଟାରୀ ଗୁଇନ୍ଦା ବିଭାଗ ସ୍କାନରରେ ରହିଛନ୍ତି। ସୂଚନାଥାଉକି ଗତ ୨୦ ତାରିଖରେ ଜନୈକ ବ୍ୟକ୍ତି ଛତ୍ରପୁର ଅଞ୍ଚଳର ଜଣେ ଯୁବକଙ୍କୁ ସୈନ୍ୟ ବାହିନୀରେ ଚାକିରି କରାଇଦେବାକୁ କହି ୬୦ ହଜାର ଟଙ୍କା ନେଇଥିଲେ। ଏହି ଖବର ମିଲିଟାରୀ ଗୁଇନ୍ଦା ଓ ଗୋପାଳପୁର ଥାନା ପୋଲିସ ଜାଣିବା ପରେ ଉକ୍ତ ଯୁବକଙ୍କୁ ଗିରଫ କରି କୋର୍ଟଚାଲାଣ କରିଥିଲା। ତଦନ୍ତକାରୀ ଅଧିକାରୀ ଏସ. ଶଙ୍କର ରାଓ ଠକେଇ ସମ୍ପର୍କରେ ସମ୍ପୂର୍ଣ୍ଣ ପ୍ରମାଣ ରହିଥିବା ସୂଚନା ଦେଇଥିଲେ।