କେନ୍ଦୁଝର, ୮ା୧୨(ସ୍ବ.ପ୍ର.)-ପ୍ରଧାନମନ୍ତ୍ରୀ ଆବାସ ଯୋଜନା ଏବଂ ସହରାଞ୍ଚଳରେ ସମସ୍ତଙ୍କ ପାଇଁ ଗୃହ ନୀତି, ଓଡିଶା ପକ୍ଷରୁ ସମସ୍ତ ଗୃହହୀନଙ୍କୁ ଘର ମିଳୁଛି। କିନ୍ତୁ କେନ୍ଦୁଝର ଜିଲା ମୁଖ୍ୟାଳୟରେ ଏହି ଯୋଜନାରେ ହିତାଧିକାରୀଙ୍କୁ ଘର କାଗଜପତ୍ରରେ ମିଳିଛି କିନ୍ତୁ ଘର ନିର୍ମାଣ ହୋଇ ପାରୁନଥିବାରୁ ଅସନ୍ତୋଷ ପ୍ରକାଶ ପାଉଛି ା ଏପରିକି ସହରର ସିଲୁଆଁ ଗ୍ରାମରେ କାଳିଚରଣ ମୁଣ୍ଡାଙ୍କୁ ଘର ପାଇବା ପାଇଁ ଯୋଗ୍ୟ ବିବେଚିତ ହୋଇ କାର୍ଯ୍ୟାଦେଶ ମିଳିଥିଲେ ହେଁ ଘର ନିର୍ମାଣ ପାଇଁ ଲେ ଆଉଟ ଦିଆଯାଉନଥିବାରୁ ୧୦ ମାସ ହେଲା ଘର ନିର୍ମାଣ କରିପାରୁ ନ ଥିବା ସେ ଅଭିଯୋଗ କରିଛନ୍ତି। ବିଳମ୍ବ ହେଉଥିବାରୁ ବହୁ ଅସୁବିଧାରେ ରହୁଥିବା କାଳିଚରଣଙ୍କ ପରିବାର ନିରାଶ ହୋଇ ରହିଛନ୍ତି ା କାର୍ଯ୍ୟାଦେଶ ସଂଖ୍ୟା ୧୧୭୫/ତା୨୫।୦୨।୨୦୧୯ରିଖରେ ତାଙ୍କୁ କାର୍ଯ୍ୟାଦେଶ ମିଳିଥିଲା। ସେ ଏଥିଲାଗି ବେଶ ଖୁସି ହୋଇଥିଲେ ହେଁ ଏବେ ଘର ନିର୍ମାଣ ପାଇଁ ଲେ ଆଉଟ ଦେବାକୁ ବାରମ୍ବାର ନିବେଦନ କଲେ ମଧ୍ୟ କେହି ଶୁଣୁ ନାହାନ୍ତି। କାର୍ଯ୍ୟାଦେଶକୁ ସାଇତି ଆଉ କେତେ ଦିନ ରଖିବେ ବୋଲି ସେ କହିଛନ୍ତି ା ୭୫୬ ଘର ପାଇଁ ଅନୁମୋଦନ ମିଳିଥିବାବେଳେ, ୬୩୪ ପାଇବା ପାଇଁ ଚିହ୍ନଟ ହୋଇଛି ା ସେଥିରୁ ୨୬୩ ଟି ଘର ଶେଷ ହୋଇଥିବା ଜଣାପଡିଛି ା ଏହା ଛଡା ୫୮୧ ଟି ଘରର ଲେ ଆଉଟ ଦିଆଯାଇଥିବା କନିଷ୍ଠ ଯନ୍ତ୍ରୀ କହିଛନ୍ତି ଅରୁପ କୁମାର ସେଠି କହିଛନ୍ତି ା ଅନଲାଇନ ରେ ସମସ୍ୟା ହେଉଥିବା ଏବଂ କାଗଜପତ୍ର ଠିକ ନ ଥିବାରୁ ଏଭଳି ବିଳମ୍ବ ହେଉଛି ବୋଲି ସେ ତାଙ୍କ ପ୍ରତିକ୍ରିୟାରେ କହିଛନ୍ତି। କାଳିଚରଣ ଓ ଅନ୍ୟମାନଙ୍କ ଲେ ଆଉଟ ଖୁବ ଶୀଘ୍ର ଦିଆଯିବ ବୋଲି ଦାୟିତ୍ୱରେ ଥିବା ଅରୂପ ସେଠୀ କହିଛନ୍ତି ା