ପୁରୀ ଅଫିସ, ୧୬ା୮: ଅନେକ ମାନସିକ ବିକାରଗ୍ରସ୍ତ ରାସ୍ତାଘାଟରେ ଏଣେତେଣେ ବୁଲୁଥାନ୍ତିି। କେହି କେହି ଲୋକଙ୍କୁ ମାଗି ଖାଇଥାନ୍ତି ତ ଆଉ କେହି ଅଳିଆ ଆବର୍ଜନା ଗଦାରୁ ପେଟର ଭୋକ ମେଣ୍ଟାନ୍ତିି। ହେଲେ ଏମାନଙ୍କ ପ୍ରତି ସହାନୁଭୂତିର ହାତ ବଢାଇବା ଲୋକ ପ୍ରାୟ କ୍ବିଚିତ ଦେଖିବାକୁ ମିଳିଥାନ୍ତି। ଓଡ଼ିଶାର ପ୍ରାୟ ପ୍ରତ୍ୟେକ ଜିଲାରେ ଶହ ଶହ ସଂଖ୍ୟାରେ ମାନସିକ ବିକାରଗ୍ରସ୍ତ ରହିଛନ୍ତିି। ତେବେ ବାସହୀନ ମାନସିକ ବିକାରଗ୍ରସ୍ତ ପୁରୁଷଙ୍କ ପାଇଁ ଏବେ ଆଶାର ଆଲୋକ ସାଜିଛି ପିପୁଲ୍ସ ଫୋରମର ମିଶନ ଆଶାଲୋକ ଅଭିଯାନ। ସ୍ବାଧୀନତା ଦିବସ ଅବସରରେ ଗୁରୁବାର ପବିତ୍ର ଶ୍ରୀକ୍ଷେତ୍ର ମାଟିରୁ ଆରମ୍ଭ ହୋଇଛି ଏହି ଅଭିଯାନ। ଜିଲାପାଳଙ୍କ କାର୍ଯ୍ୟାଳୟ ପରିସରରେ ଅତିରିକ୍ତ ଜିଲାପାଳ ବିନୟ କୁମାର ଦାଶ, ଉପଜିଲାପାଳ ଭବତାରଣ ସାହୁ ପତାକା ଦେଖାଇ ପିପୁଲ୍ସ ଫୋରମ୍ର ଏହି ଅଭିଯାନର ଶୁଭାରମ୍ଭ କରିଛନ୍ତିି। ପ୍ରଥମ ଦିବସରେ ପୁରୀ ସହରରୁ ୧୮ ଜଣ ମାନସିକ ବିକାରଗ୍ରସ୍ତଙ୍କୁ ଉଦ୍ଧାର କରାଯାଇଛି।
୧୭ ବର୍ଷ ଧରି ସ୍ବେଚ୍ଛାସେବୀ ସଙ୍ଗଠନ ପିପୁଲ୍ସ ଫୋରମ ମହିଳା ଅସହାୟ ମାନସିକ ବିକାରଗ୍ରସ୍ତଙ୍କୁ ଉଦ୍ଧାର କରି ସେମାନଙ୍କ ଚିକିତ୍ସା ଏବଂ ଥଇଥାନ କରିଆସୁଛିି। ମହିଳା ମାନସିକ ବିକାରଗ୍ରସ୍ତଙ୍କ ପରି ପୁରୁଷ ମାନସିକ ବିକାରଗ୍ରସ୍ତମାନେ ମଧ୍ୟ ଅକଥନୀୟ ଯନ୍ତ୍ରଣା ପାଉଛନ୍ତିି। ପୁରୀରେ ମଧ୍ୟ ଏହିଭଳି ବହୁ ପୁରୁଷ ମାନସିକ ବିକାରଗ୍ରସ୍ତ ବୁଲୁଛନ୍ତିି। ସେମାନଙ୍କ ଉପଦ୍ରବ, ଅକୁହା ଅବ୍ୟକ୍ତ ଯନ୍ତ୍ରଣାକୁ ଉପଲବ୍ଧି କରି ସେମାନଙ୍କର ଚିକିତ୍ସା ଏବଂ ଥଇଥାନ ପାଇଁ ମିଶନ ଆଶାଲୋକରେ ବ୍ୟବସ୍ଥା କରାଯାଇଛିି। ଗୁରୁବାର ପ୍ରଥମ ଦିବସରେ ବଡ଼ଦାଣ୍ଡ, ରେଳ ଷ୍ଟେଶନ, ଗୁଣ୍ଡିଚା ମନ୍ଦିର ପ୍ରଭୃତି ସ୍ଥାନରୁ ପିପୁଲ୍ସ ଫୋରମର ସଭ୍ୟ ସମ୍ପାଦକ ଗୋବିନ୍ଦ ଚନ୍ଦ୍ର ପଟ୍ଟନାୟକଙ୍କ ପ୍ରତ୍ୟେକ୍ଷ ତତ୍ତ୍ବାବଧାନରେ ୫ଟି ଆମ୍ବୁଲାନ୍ସ ସହ ସଞ୍ଜୟ ପଟ୍ଟନାୟକ, ପ୍ରଦୀପ ଚମ୍ପତ୍ତିରାୟ, ନାଗେଶ ସୁନ୍କାରୀ, ଦର୍ଶନ ସୂର୍ଯ୍ୟ ସାହୁ, ସୁଜିତ୍ ମହାନ୍ତି ପ୍ରମୁଖ ୫୦ ସ୍ବେଚ୍ଛାସେବୀ ଉଦ୍ଧାର କାର୍ଯ୍ୟରେ ସାମିଲ ଥିଲେ। ୧୮ ଜଣଙ୍କୁ ଉଦ୍ଧାର କରାଯାଇ ଖୋର୍ଦ୍ଧା ଗଙ୍ଗପଡ଼ାସ୍ଥିତ ମିଶନ ଆଶାଲୋକ ଥଇଥାନ କେନ୍ଦ୍ରକୁ ନିଆଯାଇଛିି। ଏହି ଉଦ୍ଘାଟନୀ କାର୍ଯ୍ୟକ୍ରମରେ ଜିଲା ସାମାଜିକ ସୁରକ୍ଷା ଅଧିକାରୀ ତ୍ରିନାଥ ପାଢୀ ଉପସ୍ଥିତ ଥିଲେ।