କୋଲକାତା, ୧୨।୮:ପଶ୍ଚିମବଙ୍ଗର କୋଲକାତା ସହରର ଗଳିରେ ଏକ ନିଆରା ଘଟଣା ଦେଖିବାକୁ ମିଳିଛି। ପାକିସ୍ତାନକୁ ନେଇ ଲୋକଙ୍କ ଧାରଣା ଜାଣିବାକୁ ଜଣେ ଯୁବକ ପୋଷ୍ଟର ଧରି ଛିଡାହୋଇଛନ୍ତି। ଯେଉଁଥିରେ ଲେଖାଅଛି, ମୁଁ ଜଣେ ପାକିସ୍ତାନୀ, ଦୟାକରି ମୋତେ ଚାପୁଡା ମାରନ୍ତୁ ନଚେତ୍ କୋଳାଗ୍ରତ କରନ୍ତୁ। ଦୀର୍ଘ ୮ ଘଣ୍ଟା ଧରି ସେ ପୋଷ୍ଟର ଧରି ଛିଡା ହୋଇଥିଲେ। ତାଙ୍କୁ ଦେଖି ସମସ୍ତେ କୋଳାଗ୍ରତ କରିଥିଲେ, ଜଣେ ହେଲେ କେହି ତାଙ୍କୁ ଚାପୁଡା ମାରି ନ ଥିଲେ। ଭାନଗଢ ବିଶ୍ୱବିଦ୍ୟାଳୟରେ ପ୍ରଥମ ବର୍ଷ ଗ୍ରାଜୁଏଶନ କରୁଥିବା ଛାତ୍ର ଅରିଫଉଦ୍ଦିନ ମୋଲ୍ଲା ନିଜ ପରୀକ୍ଷାର ନାଁ ଦେଇଛନ୍ତି, ପାକିସ୍ତାନକୁ ନେଇ ଲୋକଙ୍କ ଧାରଣାକୁ ବୁଝିବା। ଏଥିରୁ ସେ ଅନୁଭବ କରିଥିଲେ, ପାକିସ୍ତାନ ଲୋକଙ୍କ ପ୍ରତି ଭାରତୀୟଙ୍କ କୌଣସି ଶତ୍ରୁତା ନାହିଁ।
ସୂଚନାଯୋଗ୍ୟ, ଜମ୍ମୁ-କଶ୍ମୀରରୁ ୩୭୦ ଧାରା ଉେଚ୍ଛେଦ ପରେ ପାକିସ୍ତାନକୁ ନେଇ ଲୋକଙ୍କ ମତାମତ ଜାଣିବାକୁ ଚାହୁଁଥିଲେ ଅରିଫଉଦ୍ଦିନ। ସେଥିପାଇଁ ସେ ଏଭଳି ପରୀକ୍ଷା କରିଥିଲେ। ସ୍ବାଧୀନତା ଦିବସ ପୂର୍ବଦିନ ସେ ନିଜ ୟୁଟ୍ୟୁବ୍ ଚ୍ୟାନେଲରେ ଏହାକୁ ଭିଡିଓ ପୋଷ୍ଟ କରିବେ ବୋଲି କହିଛନ୍ତି।