ନୂଆଦିଲ୍ଲୀ, ୧୮।୬: ମୁଁ ୨୦ ପ୍ରତିଶତ ରାଜନୀତି, ବାକି ୮୦ ପ୍ରତିଶତ ସମାଜସେବା କରେ ବୋଲି କହିଛନ୍ତି ସଡ଼କ, ପରିବହନ ଏବଂ ଏମ୍ଏସ୍ଏମ୍ଇ ବିଭାଗର କେନ୍ଦ୍ରମନ୍ତ୍ରୀ ନୀତିନ ଗଡ୍କରୀ। ଛତ୍ରପତି ଶିବାଜୀ ମହାରାଜଙ୍କ ବୀରତା ଏବଂ ସ୍ବାଧୀନତା ଆନ୍ଦୋଳନରେ ଶହୀଦ ହୋଇଥିବା ବ୍ୟକ୍ତିଙ୍କ କାହାଣୀ ଶୁଣି ବଡ଼ ହୋଇଥିବା ଗଡ୍କରୀ ସମାଜସେବାକୁ ନିଜ ଧର୍ମ ବୋଲି କହିଛନ୍ତି। ନିକଟରେ ମୋଦିଙ୍କ ଦ୍ୱିତୀୟ ପାଳିରେ କ୍ୟାବିନେଟ୍ ମନ୍ତ୍ରୀ ଭାବେ ଶପଥ ନେବା ପରେ ଗଡ୍କରୀ ଏକ ସାକ୍ଷାତ୍କାରରେ କହିଛନ୍ତି, ଗରିବ, ଶ୍ରମିକ ଏବଂ କୃଷକଙ୍କ ପାଇଁ କାମ କଲେ ମୋତେ ଖୁସି ମିଳେ। ସେମାନଙ୍କ କଲ୍ୟାଣ ପାଇଁ କାମ କରିଛି, ଆଗକୁ ମଧ୍ୟ ଏହା ଜାରି ରହିବ ବୋଲି ସେ କହିଛନ୍ତି।