ବାଲେଶ୍ୱର ଅଫିସ, ୯।୪-ବାଲେଶ୍ୱରସ୍ଥିତ ବାଲିଆ ରାମେଶ୍ୱର ମନ୍ଦିର ସମ୍ମୁଖରେ ଥିବା ମେସି ଫର୍ଗୁସନ ଟ୍ରାକ୍ଟର କମ୍ପାନୀର ଜିଲା ଡିଲର ‘ମେସର୍ସ ଲକ୍ଷ୍ମୀରେଖା ଅଟୋମୋବାଇଲ୍ସ’ର ଦୁଇ ବିଜିନେସ୍ ପାର୍ଟନର ମନୋଜ କୁମାର ଜେନା ଏବଂ ଅମିତ ଅମିତାଭ ମହାକୁଡ଼ ଗୁରୁବାର ଓଡ଼ିଶା ମୁଖ୍ୟମନ୍ତ୍ରୀ ରିଲିଫ୍ ପାଣ୍ଠିକୁ ୧ଲକ୍ଷ ଟଙ୍କାର ସହାୟତା ରାଶି ପ୍ରଦାନ କରିଛନ୍ତି। ତାଙ୍କ ସହ ଡିଲରସିପ୍ର ୱାର୍କସପ୍ ସୁପରଭାଇଜର ରବୀନ୍ଦ୍ର କୁମାର ମାଝି, ଅନୁଷ୍ଠାନର ସମସ୍ତ କର୍ମଚାରୀ ଉପସ୍ଥିତ ଥିଲେ।
ଲକ୍ଷ୍ମୀରେଖା ଅଟୋମୋବାଇଲ୍ସର ସମସ୍ତ କର୍ମଚାରୀ ନିଜ ନିଜର ଗୋଟିଏ ଦିନର ଦରମା ଓ ଦୁଇ ବିଜିନେସ୍ ପାର୍ଟନର ନିଜର ସଞ୍ଚୟ ରାଶିରୁ ଏହି ଅନୁଦାନ ଦେଇଥିଲେ। ବାଲେଶ୍ୱର ଅତିରିକ୍ତ ଜିଲାପାଳ ସମ୍ବିତ କୁମାର ନାୟକଙ୍କ ମାଧ୍ୟମରେ ଏହି ସହାୟତା ରାଶି ଅନୁଷ୍ଠାନ ତରଫରୁ ପ୍ରଦାନ କରାଯାଇଥିଲା।