ନୂଆଦିଲ୍ଲୀ,୧।୬: ଉତ୍ତରାଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ତଥା ହରିଦ୍ୱାରଲୋକ ସଭା ଆସନର ଏମ୍ପି ଡା. ରମେଶ ପୋଖରିୟାଲ ନିଶଙ୍କ ଶେଷରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦଳର ରାଷ୍ଟ୍ରୀୟ ଅଧ୍ୟକ୍ଷ ତଥା ବର୍ତ୍ତମାନର ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହଙ୍କ ବିଶ୍ୱାସ ଭାଜନ ହୋଇପାରିଛନ୍ତି। କାରଣ ନିଶଙ୍କଙ୍କୁ କେନ୍ଦ୍ର କ୍ୟାବିନେଟରେ ମନ୍ତ୍ରୀ ପଦ ମିଳିଛି। ମୁଖ୍ୟମନ୍ତ୍ରୀ ଆସନ ଛାଡିବା ପରେ ସେ ଏହି ସମୟକୁ ଦୀର୍ଘ ୮ ବର୍ଷ ହେବ ଅପେକ୍ଷା କରିଥିଲେ। ଏବେ ତାଙ୍କୁ ମାନବ ସମ୍ବଳ ବିକାଶ ବିଭାଗ ମିଳିଥିବାରୁ ୮ ବର୍ଷ ପରେ ନିଶଙ୍କଙ୍କର ବନବାସ ଶେଷ ହୋଇଛି ବୋଲି ଆଲୋଚନା ହେଉଛି। ଏହି ୮ ବର୍ଷ ମଧ୍ୟରେ ସେ ନାନା ଘାତ ପ୍ରତିଘାତ ଦେଖିଥିବା ବେଳେ ଶେଷରେ ସେ ଲକ୍ଷ୍ୟ ସ୍ଥଳରେ ପହଞ୍ଚିଥିବା କୁହାଯାଉଛି।