ଫୁଲବାଣୀ ଅଫିସ, ୧୮ା୪- ରାଜ୍ୟର ମୁଖ୍ୟ ଶାସନ ସଚିବ ଅସିତ ତ୍ରିପାଠୀ ଓ ୫-ଟି ସଚିବ ଭି.କେ. ପାଣ୍ଡିଆନ ଶନିବାର ଫୁଲବାଣୀ ଗସ୍ତରେ ଆସି କୋଭିଡ୍ ହସ୍ପିଟାଲ ପରିଦର୍ଶନ କରିଛନ୍ତି। ଉଭୟେ ମଧ୍ୟାହ୍ନ ପ୍ରାୟ ୧୨ଟାରେ ଜିଲା ମୁଖ୍ୟ ଡାକ୍ତରଖାନା ପରିସରରେ ଥିବା ଜିଏନ୍ଏମ୍ ତାଲିମ କେନ୍ଦ୍ରରେ ପ୍ରତିଷ୍ଠା ହୋଇଥିବା ଏହି ହସ୍ପିଟାଲରେ କରୋନା ସଂକ୍ରମିତଙ୍କ ପାଇଁ କ’ଣ ସବୁ ବ୍ୟବସ୍ଥା ରହିଛି ତାହା ଅନୁଧ୍ୟାନ କରିଥିଲେ। ସଚିବଙ୍କ ସହ ଜିଲାପାଳ ଡା. ବୃନ୍ଦା ଡି, ଏସ୍ପି ପ୍ରତୀକ ଗୀତା ସିଂ ମଧ୍ୟ ଆସିଥିଲେ। ହସ୍ପିଟାଲ ପରିସରରେ ଅତିରିକ୍ତ ଜିଲାପାଳ ବସନ୍ତ କୁମାର ସାହୁ, ଜିଲା ମୁଖ୍ୟ ଚିକିତ୍ସାଧିକାରୀ ଡା. ରଜ୍ୟଶ୍ରୀ ପଟ୍ଟନାୟକ ଏବଂ କୋଭିଡ୍ ହସ୍ପିଟାଲର ଡାକ୍ତର ଓ ଷ୍ଟାଫମାନେ ଦୁଇ ସଚିବଙ୍କୁ ସ୍ବାଗତ କରିଥିଲେ।