ମୁମ୍ବାଇ, ୩।୭: ମୁମ୍ବାଇରେ ପ୍ରବଳ ବର୍ଷା ଯୋଗୁ ସାଧାରଣ ଜୀବନ ଅସ୍ତବ୍ୟସ୍ତ ହୋଇପଡିଛି। ବର୍ଷା ଗତ ୨ ବର୍ଷର ରେକର୍ଡ ଭାଙ୍ଗି ଦେଇଛି। ମୂଷଳ ଧାରାରେ ପ୍ରବଳ ବର୍ଷା ଯୋଗୁ ଏପର୍ଯ୍ୟନ୍ତ ୩୬ଜଣଙ୍କ ପ୍ରାଣ ଗଲାଣି। ମଲାଡ ଅଞ୍ଚଳରେ ଏକ ଏସୟୁଭି ଗାଡି ପାଣିରେ ବୁଡିଯିବାରୁ ସେଥିରେ ଥିବା ୨ଜଣଙ୍କ ବ୍ୟକ୍ତିଙ୍କ ପ୍ରାଣହାନୀ ଘଟିଛି। ମୃତକ ଦୁଇଜଣ ହେଲେ ଇରଫାନ୍ ଖାନ୍ ଏବଂ ଗୁଲଶାଦ ଶେଖ୍। ପାଣି ରାସ୍ତାରେ ଯାଉଥିବାବେଳେ ଗାଡିଟି ଖାଲ ଯାଗାରେ ପଡି ହଠାତ୍ ବନ୍ଦ ହୋଇଯାଇଥିଲା। ଫଳରେ ଇରଫାନ୍ ଏବଂ ଗୁଲଶାଦ ବାହାରକୁ ବାହାରି ପାରି ନ ଥିଲେ। ପାଣି ଭିତରେ ପଶି ରହି ଦୁହେଁ ଅଣନିଃଶ୍ୱାସୀ ହୋଇପଡିଥିଲେ। ପୋଲିସ ଏବଂ ଅଗ୍ନିଶମ କର୍ମଚାରୀଙ୍କ ମଧ୍ୟରେ ଝଗଡା ହେବାରୁ ସେମାନଙ୍କୁ ଉଦ୍ଧାର କରିବାରେ ବିଳମ୍ବ ହୋଇଥିଲା ବୋଲି ମୃତକଙ୍କ ପରିବାର ଲୋକେ ଅଭିଯୋଗ କରିଛନ୍ତି।
