ମୁମ୍ବାଇ,୧୫।୧୧(ପି.ଟି.)- ଡୋପ ଟେଷ୍ଟରେ ବିଫଳ ହେବା ଯୋଗୁ ୮ ମାସ ବାସନ୍ଦ ହୋଇଥିବା ଯୁବ ଭାରତୀୟ ଓପନର ପୃଥ୍ବୀ ଶ’ଙ୍କୁ ସୟଦ ମୁସ୍ତାକ ଅଲି ଟୁର୍ନାମେଣ୍ଟ ଲାଗି ଘୋଷିତ ୧୫ ଜଣିଆ ମୁମ୍ବାଇ ଦଳରେ ସାମିଲ କରାଯାଇଛି। ଆସନ୍ତା ୧୭ ତାରିଖରେ ତାଙ୍କ ବାସନ୍ଦ ସମୟ ଶେଷ ହେବ ଓ ସେ ଖେଳିବା ପାଇଁ ଉପଲବ୍ଧ ହେବେ। ତାଙ୍କୁ ଗତ ଜୁଲାଇରେ ବିସିସିଆଇ ବାସନ୍ଦ କରିଥିଲା। ଜାତୀୟ ଟି୨୦ ଟୁର୍ନାମେଣ୍ଟର ଅନ୍ତିମ ଦୁଇ ଲିଗ୍ ଓ ସୁପର ଲିଗ୍ ମ୍ୟାଚ୍ ପାଇଁ ମୁମ୍ବାଇ କ୍ରିକେଟ ଆସୋସିଏଶନ ପକ୍ଷରୁ ଗୁରୁବାର ଦଳ ଘୋଷଣା ହୋଇଛି। ୨୦ ବର୍ଷୀୟ ଶ’ ୧୭ ତାରିଖରେ ଆସାମ ବିପକ୍ଷ ମ୍ୟାଚ୍ରେ ଖେଳିବେ। ମୁମ୍ବାଇ ଦଳ ଚଳିତ ପ୍ରତିଯୋଗିତାରେ ଏପର୍ଯ୍ୟନ୍ତ ଅପରାଜେୟ ରହିଛି।
