ମୁମ୍ବାଇ, ୮।୬ : ଘାନାର ଜାତୀୟ ଫୁଟବଲ ଖେଳାଳି ର଼୍ୟାଣ୍ଡି ଜୁଆନ ମୁଲେର ଲକ୍ଡାଉନ୍ କାରଣରୁ ୭୪ ଦିନ ମୁମ୍ବାଇ ବିମାନବନ୍ଦରରେ ଫସି ରହିଥିବା ଘଟଣା ପଦାକୁ ଆସିଛି। ତାଙ୍କୁ ଏବେ ଏକ ହୋଲେଟକୁ ନିଆଯାଇଛି। କେରଳର ଏକ କ୍ଲବରୁ ଖେଳୁଥିବା ମୁଲେର କେନିୟା ଏୟାରଓ୍ବେଜ୍ ଫ୍ଲାଇଟ୍ରେ ଘରକୁ ଯିବାପାଇଁ ମୁମ୍ବାଇ ବିମାନବନ୍ଦରରେ ପହଞ୍ଚତ୍ଥିଲେ। ମାତ୍ର ବିମାନ ଆସିବା ପୂର୍ବରୁ କରୋନା ଭାଇରସ ସଂକ୍ରମଣ ଜନିତ ଲକ୍ଡାଉନ୍ ଘୋଷଣା ହୋଇଥିଲା। ଫଳରେ ବିମାନ ବାତିଲ ହୋଇଥିଲା। ସେହି ଦିନଠାରୁ ମୁମ୍ବାଇ ବିମାନବନ୍ଦର ଏହି ୨୩ ବର୍ଷୀୟ ଘାନା ଜାତୀୟ ଫୁଟବଲ ଖେଳାଳିଙ୍କର ଘର ହୋଇଯାଇଥିଲା। ଏହି ଅବସରରେ ମୁଲେର କଠୋର ପରୀକ୍ଷାର ସମ୍ମୁଖୀନ ହୋଇଥିବାରୁ ହଲିଉଡ୍ ଚଳଚ୍ଚିତ୍ର ‘ଦି ଟର୍ମିନାଲ’ର ଟମ୍ ହ୍ୟାଙ୍କ୍ସଙ୍କ ଚରିତ୍ରକୁ ମନେ ପକାଇଥିଲେ। ଶେଷରେ ଶିବସେନାର ୟୁଥ୍ ଓ୍ବିଙ୍ଗ୍ ଯୁବ ସେନାର କର୍ମୀମାନେ ପହଞ୍ଚତ୍ ତାଙ୍କୁ ସାହାଯ୍ୟ କରିଥିଲେ। ମୁଲେର ଏବେ ଏକ ସ୍ଥାନୀୟ ହୋଲେଟରେ ଅବସ୍ଥାନ କରୁଛନ୍ତି ଏବଂ ବିମାନ ଚଳାଚଳ ସ୍ବାଭାବିକ ହେବା ସ୍ଥିତିକୁ ଅପେକ୍ଷା କରିଛନ୍ତି।
୭୪ ଦିନ ରହଣି ଅବସରରେ ମୁମ୍ବାଇ ଅନ୍ତର୍ଜାତୀୟ ବିମାନ ବନ୍ଦର ପକ୍ଷରୁ ତାଙ୍କୁ ସମସ୍ତ ପ୍ରକାର ସୁବିଧା ସୁଯୋଗ ଯୋଗାଇ ଦିଆଯାଇଥିଲା। ତାଙ୍କୁ ଖାଦ୍ୟ ଦିଆଯିବା ସହ ଫୋନ୍ କଲ୍ ପାଇଁ ବିମାନବନ୍ଦରର ଓ୍ବାଇଫାଇ ନେଟଓ୍ବର୍କ ବ୍ୟବହାର ପାଇଁ ଅନୁମତି ଦିଆ ଯାଇଥିଲା ବୋଲି ଜଣେ ଅଫିସିଆଲ ପ୍ରକାଶ କରିଛନ୍ତି। ମୁଲେର ବିମାନବନ୍ଦରର କୃତ୍ରିମ ଉଦ୍ୟାନରେ ବୁଲିବା ସହ ବିମାନ ବନ୍ଦରର କର୍ମକର୍ତ୍ତାଙ୍କ ସହ ସମୟ ଅତିବାହିତ କରୁଥିଲେ। ରହଣି ସମୟରେ ବିମାନବନ୍ଦରର କର୍ମକର୍ତ୍ତାମାନେ ତାଙ୍କୁ ବହୁତ ସାହାଯ୍ୟ କରିଥିବା ମୁଲେର କହିଛନ୍ତି ବୋଲି ଯୁବସେନା କର୍ମକର୍ତ୍ତା ରାହୁଲ କନଲ ପ୍ରକାଶ କରିଛନ୍ତି। ଘର ପରିବାର ସହିତ କଥା ହେବାପାଇଁ ଜଣେ ସିକ୍ୟୁରିଟି ଅଫିସର ତାଙ୍କୁ ମୋବାଇଲ ଦେଉଥିଲେ। ଜଣେ ଟୁଇଟର ବ୍ୟବହାରକାରୀ ମୁଲେରଙ୍କ ସମ୍ପର୍କରେ ମହାରାଷ୍ଟ୍ର ପର୍ଯ୍ୟଟନ ମନ୍ତ୍ରୀ ଆଦିତ୍ୟ ଠାକ୍ରେଙ୍କ ଦୃଷ୍ଟି ଆକର୍ଷଣ କରିଥିଲେ। ପରେ ଯୁବସେନାର ରାହୁଲ କନଲ ଏହି ଫୁଟବଲରଙ୍କ ନିକଟରେ ପହଞ୍ଚତ୍ଥିଲେ ଏବଂ ତାଙ୍କୁ ହୋଟେଲକୁ ଆଣିବାରେ ସାହାଯ୍ୟ କରିଥିଲେ।