ମୁମ୍ବାଇ,୪।୮: ମୁମ୍ବାଇ ଲଗାଣ ବର୍ଷାରେ ଅସ୍ତବ୍ୟସ୍ତ ହୋଇ ଯାଇଥିବା ବେଳେ ରବିବାର ମେରାଇନ ଡ୍ରାଇଭରେ ଆସିଥିବା ଉଚ୍ଚ ଜୁଆର ପର୍ଯ୍ୟଟକଙ୍କୁ ଆନନ୍ଦ ଦେଇଛି। ହେଲେ ଅନ୍ୟପଟେ ଏଠାରେ ଜମା ହୋଇ ରହିଥିବା ଟନ୍ଟନ୍ ମଇଳାର ଦୁର୍ଗନ୍ଧରେ ପରିବେଶ ପ୍ରଦୂଷିତ ହୋଇଛି। ଶନିବାର ମୁମ୍ବାଇ ନଗର ପାଳିକାର କର୍ମଚାରୀମାନେ ଏହି ଟନ୍ଟନ୍ ମଇଳା ସଫା କରିଛନ୍ତି। ଗୋଟିଏ ପଟେ ଲଗାଣ ବର୍ଷାରେ ବିମାନ ଓ ରେଳ ସେବା ବାଧାପ୍ରାପ୍ତ ହୋଇଥିବା ବେଳେ ଅନ୍ୟପଟେ ସହରରେ ଜମା ହୋଇଥିବା ମଇଳା ସାଧାରଣ ଜୀବନ ଉପରେ ପ୍ରଭାବ ପକାଇଛି।