ମୁମ୍ବାଇ,୨୨।୧୧(ପି.ଟି.)- ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ଓ୍ବେଷ୍ଟଇଣ୍ଡିଜ ଓ ଭାରତ ମଧ୍ୟରେ ହେବାକୁ ଥିବା ଟି୨୦ ସିରିଜ୍ର ପ୍ରଥମ ଓ ତୃତୀୟ ମ୍ୟାଚ୍ର ତାରିଖ ଅଦଳବଦଳ କରିଛି। ଆସନ୍ତା ୬ ତାରିଖରେ ହେବାକୁ ଥିବା ସିରିଜ୍ର ପ୍ରଥମ ମ୍ୟାଚ୍ ମୁମ୍ବାଇ ପରିବର୍ତ୍ତେ ହାଇଦ୍ରାବାଦରେ ଖେଳାଯିବ। ସେହିଭଳି ୩ୟ ମ୍ୟାଚ୍ ଡିସେମ୍ବର ୧୧ ତାରିଖରେ ମୁମ୍ବାଇରେ ଅନୁଷ୍ଠିତ ହେବ। ପୂର୍ବରୁ କାର୍ଯ୍ୟସୂଚୀ ଅନୁଯାୟୀ, ଏହା ହାଇଦ୍ରାବାଦରେ ଖେଳାଯିବାର ଥିଲା। ମୁମ୍ବାଇ ପୋଲିସ ୬ ତାରିଖରେ ମ୍ୟାଚ୍ ହେଲେ ସୁରକ୍ଷା ଦେବାକୁ ଅକ୍ଷମତା ଦର୍ଶାଇବା ପରେ ବିସିସିଆଇ ପକ୍ଷରୁ ଏଭଳି ନିଷ୍ପତ୍ତି ନିଆଯାଇଛି। ଉକ୍ତ ଦିନ ଡ. ବି. ଆର. ଆମ୍ବେଡକରଙ୍କ ଶ୍ରାଦ୍ଧ ବର୍ଷିକ ଓ ବାବ୍ରି ମସଜିଦ୍ ଭଙ୍ଗ ଯିବାର ଦିନ ହୋଇଥିବାରୁ ମୁମ୍ବାଇ ହାଇ ଆଲର୍ଟରେ ରହିବ। ଏଥିଯୋଗୁ ମ୍ୟାଚ୍ ଲାଗି ସୁରକ୍ଷା ଯୋଗାଇ ଦେଇ ପାରିବ ନାହିଁ ବୋଲି ମୁମ୍ବାଇ ପୋଲିସ ପକ୍ଷରୁ କୁହାଯାଇଥିଲା। ମୁମ୍ବାଇ (ଡିସେମ୍ବର ୬) ଓ ହାଇଦ୍ରାବାଦ (ଡିସେମ୍ବର ୧୧) ମ୍ୟାଚ୍ର ତାରିଖକୁ ଅଦଳବଦଳ କରିବାକୁ ବିସିସିଆଇ ରାଜି ହୋଇଥିବା ଏମ୍ସିଏର ଜଣେ ସିନିୟର କର୍ମକର୍ତ୍ତା କହିଛନ୍ତି।