ଚଣ୍ଡିଗଡ଼,୧୩।୬: ହରିୟାଣା ଯମୁନାନଗରରେ ଜଣେ ଆର୍ଏସ୍ଏସ୍ କର୍ମକର୍ତ୍ତାଙ୍କ ଝିଅ ପଡ଼ୋଶୀ ମୁସଲମାନ୍ ଯୁବକଙ୍କୁ ବିବାହ କରିଛନ୍ତି। ଏନେଇ ପିତାଙ୍କ ପକ୍ଷରୁ ତାଙ୍କ ଝିଅକୁ ଅପହରଣ କରାଯାଇଥିବା ମାମଲା ଦାଏର କରାଯାଇଛି। ତେବେ ଇତିମଧ୍ୟରେ ସ୍ଥାନୀୟ ପଞ୍ଜାବ-ହରିୟାଣା ହାଇକୋର୍ଟରେ ଯୁବତୀଙ୍କ ସୁରକ୍ଷା ଲାଗି ଆବେଦନ ଦାଖଲ କରାଯାଇଛି। ଏହାର ଶୁଣାଣି ଜୁନ୍ ୧୭ରେ ହେବ। ଝିଅ ସାବାଳିକା ଥିବାରୁ ଏଥିରେ ସ୍ଥାନୀୟ ପୋଲିସ ହସ୍ତକ୍ଷେପ କରିବାକୁ ପଛଘୁଞ୍ଚା ଦେଇଥିଲେ। ପରେ ପିତା ଦିଲ୍ଲୀ ଫୋନ୍ କରି ଆର୍ଏସ୍ଏସ୍ ପଦାଧିକାରୀଙ୍କ ସହାୟତା ଲୋଡିଥିଲେ। ଅମ୍ବାଲା ଏଡିଜିପି ଆଲୋକ ରାୟ ଏବଂ ଯମୁନାନଗର ଅତିରିକ୍ତ ଏସ୍ପି ଆସ୍ଥା ମୋଦିଙ୍କ ନେତୃତ୍ୱରେ ପୋଲିସ ଟିମ୍ ଝିଅକୁ ଖୋଜିଥିଲେ ମଧ୍ୟ କୌଣସି ଖୋଜ୍ ଖବର ମିଳି ନ ଥିଲା। ଆର୍ଏସ୍ଏସ୍ କର୍ମକର୍ତ୍ତାଙ୍କ ଝିଅ ନିଜ ନାମ ହୁମାୟରାକୁ ପରିବର୍ତ୍ତନ କରି ସମ୍ପୃକ୍ତ ଯୁବକଙ୍କୁ ବିବାହ କରିଥିବା ପିତା ଅଭିଯୋଗ କରିଛନ୍ତି। ଏନେଇ ତଦନ୍ତ ଜାରି ରହିଛି।