ବିଶ୍ୱରେ କିଛି ଦେଶ ଅଛି, ଯେଉଁଠି ଇଚ୍ଛାମୃତ୍ୟୁକୁ ମିଳିଛି ଆଇନଗତ ସ୍ବୀକୃତି। ହେଲେ ଏମିତି ଦେଶ ଅଛି, ଯେଉଁଠି ମୃତ୍ୟୁକୁ ଅପରାଧ ବୋଲି ବିବେଚନା କରାଯାଏ। କିଛି ଦେଶରେ ଆତ୍ମହତ୍ୟାକୁ ମଧ୍ୟ ଅପରାଧ ଭାବେ ଗ୍ରହଣ କରାଯାଇଥାଏ। ହେଲେ ନରଓ୍ବେର ଲାଇମ୍ବଇୟରବେନ୍ରେ ରହିଛି ଅଜବ ପ୍ରଥା। ଏଠି ମୃତ୍ୟୁକୁ ଅପରାଧ ବୋଲି କୁହାଯାଇଥାଏ। ଏଠାକାର ଆଇନ ଅନୁଯାୟୀ, ଏଠି କେହି ମରିପାରିବେ ନାହିଁ। ତେବେ ଏମିତି ନିୟମ ପଛରେ ଏକ ବଡ କାରଣ ଅଛି। ଏହିି ଗାଁରେ ୨ ହଜାର ଲୋକ ବସବାସ କରୁଥିବା ବେଳେ ରହିଛି ଗୋଟିଏ ମାତ୍ର କବରସ୍ଥାନ। ଏହାଛଡା କବର ସ୍ଥାନଟି ଅତ୍ୟଧିକ ଥଣ୍ଡା ପରିବେଶରେ ରହିଛି। ଏଠାରେ ଯେଉଁମାନଙ୍କୁ କବର ଦିଆଯାଏ, ଅନେକ ଦିନ ପର୍ଯ୍ୟନ୍ତ ମୃତ ଶରୀରଟି ମାଟିରେ ନ ମିଶି ପଡି ରହିଥାଏ। ତେଣୁ ଅନ୍ୟ ମୃତଦେହକୁ କବର ଦେବାକୁ ସ୍ଥାନର ଅଭାବ ପଡିଥାଏ। ଏପରି ସ୍ଥଳେ ଉକ୍ତ ଗାଁରେ ରହୁଥିବା ଲୋକମାନଙ୍କ ମଧ୍ୟରୁ ଯେଉଁମାନଙ୍କର ମୃତ୍ୟୁ ନିଶ୍ଚିତ ହୋଇଯାଏ ବା ଯେଉଁମାନେ ଅତ୍ୟଧିକ ଅସୁସ୍ଥ ହୋଇ ପଡନ୍ତି, ଆଉ ସୁସ୍ଥ ହେବାର ସମ୍ଭାବନା ନ ଥାଏ ସେମାନଙ୍କୁ ଗାଁଠାରୁ ଦୂରକୁ ନିଆଯାଇଥାଏ। ସେମାନଙ୍କର ଗାଁ ବାହାରେ ହିଁ ମୃତ୍ୟୁ ହୋଇଥାଏ। ଏହି ଅଜବ ପ୍ରଥା ଆଜିବି ଏଠି ପାଳନ କରାଯାଉଛି। ତେଣୁ ଏଠାରେ ମୃତ୍ୟୁକୁ ଏକ ଅପରାଧ ଭାବେ ଗ୍ରହଣ କରାଯାଇଛି।