କାମାକ୍ଷାନଗର, ୧୪।୬(ଡି.ଏନ୍.ଏ.)-କୁଟୁରା ଶିକାର ଅଭିଯୋଗରେ ଗିରଫ ହୋଇଛନ୍ତି
ଢେଙ୍କାନାଳ ଜିଲା କାମାକ୍ଷାନଗର ପୂର୍ବାଞ୍ଚଳ ରେଞ୍ଜ ମରୁଆବିଲି ପଞ୍ଚାୟତ ଅନ୍ତର୍ଗତ କମ୍ପୁଲେଇ ଗ୍ରାମର ରଥିଆ ମୁଣ୍ଡା (୪୦)। ତାଙ୍କ ନିକଟରୁ ୩୦ କେଜି ଓଜନର ମୃତ କୁଟୁରା ଏବଂ ଶିକାରରେ ବ୍ୟବହୃତ ତୀର ଜବତ କରାଯାଇଛି।
ରଥିଆ ଏବଂ ତାଙ୍କ ପୁଅ ମିଶି ଉକ୍ତ କୁଟୁରା ଶିକାର କରିଥିଲେ। ସୂଚନାପାଇ ପୂର୍ବାଞ୍ଚଳ ରେଞ୍ଜର ସତ୍ୟନାରାୟଣ ସାହୁଙ୍କ ନେତୃତ୍ୱରେ ବନ ବିଭାଗର ଏକ ଦଳ ତାଙ୍କୁ ଗିରଫ କରିଥିଲେ। ଘଟଣାସ୍ଥଳରୁ ରଥିଆଙ୍କ ପୁଅ ଫେରାର ହୋଇଯାଇଛନ୍ତି। ପ୍ରାଣୀଧନ ଚିକିତ୍ସାଧିକାରୀ ସତ୍ୟବିକ୍ରମ ତରାଇ ମୃତ କୁଟୁରାର ବ୍ୟବଚ୍ଛେଦ କରିଛନ୍ତି।