ରଣପୁର,୧୪।୩(ସ୍ବ.ପ୍ର.): ଟାଙ୍ଗୀ ବନବିଭାଗ ଅନ୍ତର୍ଗତ ନୟାଗଡ ଜିଲା କନ୍ଧନୂଆଗଡ ଶ୍ମଶାନ ନିକଟରୁ ଶୁକ୍ରବାର ପୂର୍ବାହ୍ନରେ ଏକ ଗାଡଭାଲୁର ମୃତଦେହ ଉଦ୍ଧାର କରାଯାଇଛି। ପରେ ପ୍ରାଣୀ ଚିକିତ୍ସକଙ୍କ ଦ୍ୱାରା ମୃତଦେହକୁ ବ୍ୟବଚ୍ଛେଦ କରାଯିବା ପରେ ବନବିଭାଗ ପକ୍ଷରୁ ପୋତି ଦିଆଯାଇଛି। ପ୍ରାଥମିକ ତଦନ୍ତରୁ କେହି ଗାଡଭାଲୁକୁ ଠେଙ୍ଗାରେ ପିଟି ମାରି ଦେଇଥିବାର ଜଣାପଡିଛି । ପ୍ରକାଶ ଥାଉକି, ଖାଦ୍ୟ ଓ ଜଳ ଅଭାବରୁ ବନ୍ୟପ୍ରାଣୀମାନେ ଗାଁକୁ ଚାଲି ଆସୁଛନ୍ତି । ତେବେ ବିଭିନ୍ନ ସମୟରେ ବନ୍ୟପ୍ରାଣୀମାନଙ୍କୁ କିଛି ଲୋକ ମାରି ଦେଉଥିବାର ଅଭିଯୋଗ ହେଉଛି।