ମେକ୍ସିକୋରେ ଘରୁ ନ ବାହାରିବାକୁ ଲୋକଙ୍କୁ ଚେତାବନୀ

ମେକ୍ସିକୋ ସିଟି,୧୫।୫: ମେକ୍ସିକୋରେ ପରିବେଶୀୟ ଜରୁରୀ କାଳୀନ ପରିସ୍ଥିତି ଘୋଷଣା ହୋଇଛି। ଏହାକୁ ଦୃଷ୍ଟିରେ ରଖି ପ୍ରଶାସନ ପକ୍ଷରୁ ଲୋକଙ୍କୁ ଘରୁ ବାହାରକୁ ନ ବାହାରିବାକୁ କୁହାଯାଇଛି। ପରିବେଶ ବିଭାଗ ପକ୍ଷରୁ ଏନେଇ ବୁଧବାର ସୂଚନା ଜାରି କରାଯାଇଛି। ସ୍ଥାନୀୟ ଜଙ୍ଗଲରୁ ଆସୁଥିବା ଧୁଆଁ ସହରରେ ପଶିବାରେ ଲାଗିଛି। ଗାଡ଼ି ଚାଳକଙ୍କୁ ଗାଡ଼ି ଚଳାଇବାକୁ ବାରଣ କରାଯାଇଛି। ଲୋକଙ୍କୁ ଘରେ କବାଟ ଝରକା ଦେଇ ରହିବାକୁ ଚେତାବନୀ ଦିଆଯାଇଛି। ବରିଷ୍ଠ ବ୍ୟକ୍ତି ବିଶେଷ ଏବଂ ଛୋଟପିଲାଙ୍କୁ ଘରେ ରଖିବାକୁ ପରାମର୍ଶ ଦିଆଯାଇଛି।