ନୂଆଦିଲ୍ଲୀ,୨୯।୮: ହକି ଓ୍ବିଜାର୍ଡ୍ ମେଜର ଧ୍ୟାନଚାନ୍ଦଙ୍କ ଜନ୍ମ ବାର୍ଷକୀରେ କ୍ରୀଡ଼ାମନ୍ତ୍ରୀ କିରନ ରିଜିଜୁ ଶ୍ରଦ୍ଧାଞ୍ଜଳି ଦେଇଛନ୍ତି। ଧ୍ୟାନଚାନ୍ଦଙ୍କ ଜନ୍ମ ଦିନକୁ ଦେଶରେ କ୍ରୀଡ଼ା ଦିବସ ଭାବେ ପାଳନ କରାଯାଏ। ସେ ଆମର ଗର୍ବ। ପ୍ରଥମ ଭାରତୀୟ ଭାବେ ସେ ଅନ୍ତର୍ଜାତୀୟ ସ୍ତରରେ ଦେଶକୁ ଗର୍ବିତ କରିଥିଲେ। ମୋ ସହ ପୂର୍ବତନ ଅଲିମ୍ପିଆନ ହକି ଖେଳାଳି ଏକାଠି ଚାନ୍ଦଙ୍କୁ ଶ୍ରଦ୍ଧାଞ୍ଜଳି ଦେଉଛୁ ବୋଲି ‘ଫିଟ୍ ଇଣ୍ଡିଆ ମୁଭମେଣ୍ଟ’ ପ୍ରୋଗ୍ରାମ ଆରମ୍ଭ କରିବା ଅବସରରେ କ୍ରୀଡ଼ାମନ୍ତ୍ରୀ କହିଛନ୍ତି। ଏହି ପ୍ରୋଗ୍ରାମ ଦ୍ୱାରା ଆମେ ଦେଶର କ୍ରୀଡ଼ା ପରମ୍ପରାକୁ ବୃଦ୍ଧି କରିପାରିବା। ଭରତ ଏକ କ୍ରୀଡ଼ାଭିତ୍ତିକ ଦେଶ। ହେଲେ ଆମକୁ କ୍ରୀଡ଼ାର କେନ୍ଦ୍ର ହେବାକୁ ପଡ଼ିବ। ଏହି ଅଭିଯାନ ଚାନ୍ଦଙ୍କ ଜନ୍ମ ବାର୍ଷକୀ ଅବସରରେ ଆରମ୍ଭ କରିବା ତାଙ୍କ ପାଇଁ ସବୁଠୁ ବଡ଼ ଶ୍ରଦ୍ଧାଞ୍ଜଳି ହେବ ବୋଲି କ୍ରୀଡ଼ାମନ୍ତ୍ରୀ ଅଭିହିତ କରିଛନ୍ତି। ଧ୍ୟାନଚାନ୍ଦ ୧୯୦୫ ଆଜିର ଦିନରେ ଉତ୍ତରପ୍ରଦେଶର ଆଲ୍ଲାହାବାଦ୍ଠାରେ ଜନ୍ମ ହୋଇଥିଲେ। ତାଙ୍କ ପ୍ରତିନିଧିତ୍ୱରେ ଭାରତ ୧୯୨୮, ୧୯୩୨ ଓ ୧୯୩୬ ଅଲିମ୍ପିକ୍ସରେ ହ୍ୟାଟ୍ରିକ ସ୍ବର୍ଣ୍ଣ ପଦକ ଜିତିଥିଲା।