ପ୍ରତିଦିନ ସୋସିଆଲ ମିଡିଆରେ ପଶୁପକ୍ଷୀଙ୍କ ଅନେକ ଭିଡିଓ ଭାଇରାଲ ହେଉଛି। ସେଥିରୁ କେତେକ ଭିଡିଓ ବେଶ ଭାବପ୍ରବଣ ହୋଇଥିବାବେଳେ କେତେକ ହସର ଖୋରାକ ଯୋଗାଇ ଥାଏ। ବର୍ତ୍ତମାନ ଏକ ମେଣ୍ଢା ଛୁଆକୁ କୁକୁର ଫିଡିଙ୍ଗ ବୋତଲରେ କ୍ଷୀର ପିଆଉଥିବା ଭିଡିଓ ଭାଇରାଲ ହେବାରେ ଲାଗିଛି।
ଭିଡିଓରେ ଦେଖାଯାଇଛି, ଏକ କୁକୁର ନିଜ ମୁହଁରେ ଫିଡିଙ୍ଗ ବୋତଲ ରଖି ଏକ ମେଣ୍ଢା ଛୁଆକୁ ବହୁତ ସୁନ୍ଦର ଭାବରେ କ୍ଷୀର ପିଆଉଛି। ମେଣ୍ଢା ଛୁଆଟି ବଡ ଆରାମରେ କୁକୁର ଠାରୁ କ୍ଷୀର ପିଉଛି। ଏହି ଭିଡିଓକୁ ଡେଲି ଗୋଟ୍ସ ନିଜ ଟୁଇଟରରେ ଶେୟାର କରିଛି। ଏହି ଭିଡିଓକୁ ଅନେକ ଲୋକ ଲାଇକ୍ କରିଥିବାବେଳେ ଅନେକ ଭିନ୍ନ ମତ ଦେଇଛନ୍ତି।