ମେଲବୋର୍ନ, ୭।୧୧- ପୂର୍ବତନ ମହିଳା କ୍ରିକେଟର ମେଲାନି ଜୋନ୍ସ କ୍ରିକେଟ ଅଷ୍ଟ୍ରେଲିଆର ନିର୍ଦ୍ଦେଶକ ଭାବେ ନିଯୁକ୍ତ ହୋଇଛନ୍ତି। ବୁଧବାର ତାଙ୍କୁ ଏହି ହାଇପ୍ରୋଫାଇଲ ପଦ ପାଇଁ ଦାୟିତ୍ୱ ପ୍ରଦାନ କରାଯାଇଛି। ୧୯୯୭ରେ ଜୋନ୍ସ ଅଷ୍ଟ୍ରେଲିଆ ପାଇଁ ଅନ୍ତର୍ଜାତୀୟ କ୍ରିକେଟରେ ପଦାର୍ପଣ କରିଥିଲେ। ୨୦୦୫ରେ ସେ ତାଙ୍କର ପ୍ରଥମ ବିଶ୍ୱକପ୍ ଜିତିଥିଲେ। ଏହାପରେ ବର୍ଷ ସେ ପଦାର୍ପଣରେ ୧୩୧ ରନର ଶତକୀୟ ପାଳି ଖେଳି ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲେ ଓ ଏହା ତାଙ୍କର ପ୍ରଥମ ଆଶେସ ଶତକ ଥିଲା। ଏହି ଗୁରୁଦାୟିତ୍ୱ ମିଳିଥିବାରୁ ବହୁତ ଖୁସି ବୋଲି ସେ କହିଛନ୍ତି। କ୍ରିକେଟ ପ୍ରତି ତାଙ୍କର ଅବଦାନ ପାଇଁ ଚଳିତ ବର୍ଷ ପ୍ରାରମ୍ଭରେ ତାଙ୍କୁ ଦେଶର ସର୍ବୋଚ୍ଚ ସମ୍ମାନ ଅର୍ଡର ଅଫ୍ ଅଷ୍ଟ୍ରେଲିଆ ପୁରସ୍କାର ପ୍ରଦାନ କରାଯାଇଥିଲା। କ୍ରିକେଟ ଛାଡିବା ପରେ ସେ ଭାଷ୍ୟକାର ହିସାବରେ ବେଶ୍ ସଫଳତା ହାସଲ କରିଥିଲେ। ଜୋନ୍ସଙ୍କ ଅଭିଜ୍ଞତା କାମରେ ଆସିବ ବୋଲି କ୍ରିକେଟ ଅଷ୍ଟ୍ରେଲିଆ ଚେୟାରମ୍ୟାନ ଇର୍ଲ ଏଡିଙ୍ଗ୍ସ କହିଛନ୍ତି। ଗତ ଦୁଇ ବର୍ଷ ହେବ ଅଷ୍ଟ୍ରେଲିଆ କ୍ରିକେଟରେ ବୈପ୍ଳବିକ ପରିବର୍ତ୍ତନ ହୋଇଛି। ଜୋନ୍ସଙ୍କ ଅଭିଜ୍ଞତାରୁ ଅଷ୍ଟ୍ରେଲିଆ କ୍ରିକେଟ ଆହୁରି ଆଗକୁ ଯିବ ବୋଲି ସେ ଆଶା ପ୍ରକାଶ କରିଛନ୍ତି।
