କୋପା ଆମେରିକାର ପ୍ଲେ ଅଫ୍ ମ୍ୟାଚ୍ର ୩୭ତମ ମିନିଟ୍ରେ ୫ ଥର ବାଲୋନ ଡି’ ଅର ପୁରସ୍କାରପ୍ରାପ୍ତ ଆର୍ଜେଣ୍ଟିନାର ଲିଓନେଲ ମେସି ଓ ଚିଲି ଅଧିନାୟକ ଗାରି ମେଡେଲ ଫିଲ୍ଡରେ ଯୁକ୍ତିତର୍କ କରିଥିଲେ। ଏଥିରେ ମେଡେଲ ଛାତିରେ ମେସିଙ୍କୁ ଧକ୍କା ମାରିଥିଲେ। ଏହା ଅନ୍ତର୍ଜାତୀୟ ଫୁଟ୍ବଲ ମ୍ୟାଚ୍ରେ ଏକ ସାମାନ୍ୟ ଘଟଣା। କିନ୍ତୁ ଉଭୟ ଖେଳାଳିଙ୍କୁ ରେଫରି ମାରିଓ ଡିଆଜ ଡେ ଭିଭାର ରେଡ୍ କାର୍ଡ ଦେଇଥିଲେ। ନିଷ୍ପତ୍ତି ବଦଳାଇବା ଲାଗି ଦୁଇ ଦଳର ଖେଳାଳି ଭିଏଆର ନେବାକୁ ଅନୁରୋଧ କରିଥିଲେ। ହେଲେ ରେଫରି ଭିଭାର ମନା କରିଦେଇଥିଲେ। ଏଥିଯୋଗୁ ମେସି ମ୍ୟାଚ୍ ପରେ ଅନୁଷ୍ଠିତ ପଦକ ବିତରଣ ଉତ୍ସବରେ ଯୋଗଦେବାକୁ ମନା କରିି ଦେଇଥିଲେ। ଏଥିସହ ଆୟୋଜକ କମିଟି ବ୍ରାଜିଲକୁ ସମ୍ପୂର୍ଣ୍ଣ ସମର୍ଥନ କରୁଥିବା ଅଭିଯୋଗ କରିଥିଲି, ଯାହାକି ମୋତେ ମିଳିଥିବା ରେଡ୍ କାର୍ଡର କାରଣ। ସେ ଆହୁରି କହିଥିଲେ, ଦୁର୍ନୀତି ଓ ରେଫରିମାନେ ଦର୍ଶକଙ୍କୁ ଫୁଟ୍ବଲ ଉପଭୋଗ କରିବାରୁ ରୋକୁଛନ୍ତି। ବ୍ରାଜିଲ ଚାମ୍ପିୟନ ହେବ, ଏଥିରେ ସନ୍ଦେହ ନାହିଁ। ଏହାର ଜବାବ ଦେଇଛି ଦକ୍ଷିଣ ଆମେରିକୀୟ ଫୁଟ୍ବଲ ପରିଚାଳନା କମିଟି (ସିଓଏନ୍ଏମ୍ଇବିଓଏଲ)। ମେସି ପ୍ରତିଯୋଗିତା, ପ୍ରତିଯୋଗୀ ଦେଶ ଓ ଆୟୋଜକ କମିଟିର ଶହ ଶହ ଅଫିସିଆଲଙ୍କୁ ସମ୍ମାନ ଦେଉନାହାନ୍ତି। ଯାହା ତାଙ୍କ ଅଭିଯୋଗରୁ ଜଣାପଡ଼ୁଛି। ମ୍ୟାଚ୍ର ଫଳାଫଳକୁ ଗ୍ରହଣ ଓ ସମ୍ମାନ ଦେବା ଜଣେ ଖେଳାଳିଙ୍କ ଖେଳୁଆଡ଼ ମନୋଭାବକୁ ଦର୍ଶାଏ।