ହାଇଦ୍ରାବାଦ,୬।୧୨: ପୋଲିସ ଏନ୍କାଉଣ୍ଟରରେ ଶୁକ୍ରବାର ହାଇଦ୍ରାବାଦ ଗଣବଳାତ୍କାର ଘଟଣାର ଅଭିଯୁକ୍ତମାନଙ୍କ ମୃତ୍ୟୁ ହୋଇଛି। ଏବେ ଏହାକୁ ନେଇ ଜଣେ ଅଭିଯୁକ୍ତଙ୍କ ସ୍ତ୍ରୀ କହିଛନ୍ତି ଯେଉଁଠି ପୋଲିସ ମୋ ସ୍ବାମୀଙ୍କୁ ମାରିଛି ସେଇଠି ମୋତେ ବି ନେଇ ମାରି ଦିଆଯାଉ। ସୂଚନା ଅନୁଯାୟୀ, ଉକ୍ତ ଅଭିଯୁକ୍ତଙ୍କର କିଛିଦିନ ପୂର୍ବେ ବିବାହ ହୋଇଥିଲା। ଏବେ ତାଙ୍କ ସ୍ତ୍ରୀ କହିଛନ୍ତି ସ୍ବାମୀ ଯିବା ପରେ ମୋର ଆଉ କିଛି ନାହିଁ ତେଣୁ ମୋତେ ବି ମାରି ଦିଆଯାଉ। ଅନ୍ୟପଟେ ଏହି ଘଟଣାର ମୁଖ୍ୟ ଅଭିଯୁକ୍ତଙ୍କ ମା’ କହିଛନ୍ତି ମୋ ପୁଅ ଚାଲିଯାଇଛି। କିନ୍ତୁ ପୂର୍ବରୁ ତାଙ୍କ ବାପା କହିଥିଲେ ମୋ ପୁଅ ଯଦି ଏମିତି ଅପରାଧ କରିଛି ତେବେ ତାକୁ କଠୋର ଦଣ୍ଡ ଦିଆଯାଉ। ଏବେ ଏହି ଘଟଣାକୁ ନେଇ ସାରା ରାଜ୍ୟରେ ପୋଲିସର ପ୍ରଶଂସା କରାଯାଉଥିବା ବେଳେ କେତେକ ସ୍ଥଳରେ ଏହା ଭୁଲ୍ ହୋଇଛି ବୋଲି ମଧ୍ୟ ମତ ପ୍ରକାଶ ପାଇଛି।