ହରିୟାଣା,୧୮।୧୦: ହରିୟାଣା ବିଧାନସଭା ନିର୍ବାଚନକୁ ନେଇ ଏବେ ଷ୍ଟାର ପ୍ରଚାରକମାନେ ମଇଦାନକୁ ଓହ୍ଲାଇଛନ୍ତି। ଶୁକ୍ରବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ହରିୟାଣାର ସୋନିପଥରେ ବିରୋଧୀ କଂଗ୍ରେସ ଉପରେ ଖୁବ୍ ବର୍ଷିଥିଲେ। ସେଠାରେ ସେ ଏକ ରାଲିରେ ସମ୍ବୋଧନ ଦେବା ଅବସରରେ କଂଗ୍ରେସ ଅନୁଚ୍ଛେଦ ୩୭୦କୁ ବିରୋଧ କରୁଥିବା ନେଇ ମୋଦି କହିଥିଲେ କଂଗ୍ରେସକୁ ନା ଭାରତର ଏକତାର ଚିନ୍ତା ଅଛି ନା ସମ୍ବିଧାନର ଚିନ୍ତା। ହେଲେ କଂଗ୍ରେସର ଯେଉଁ ଅହଂକାର ଥିଲା ତାକୁ ମାଟିରେ ମିଶାଇ ଦେଇଛନ୍ତି ହରିୟାଣାବାସୀ। ଏବେ ଏହାର ଉତ୍ତର ରଖିଛନ୍ତି କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ। ସେ କହିଛନ୍ତି ମୋଦିଙ୍କର ଅର୍ଥନୀତିରେ ସାମାନ୍ୟତମ ଜ୍ଞାନ ନାହିଁ। ନଚେତ୍ ଦେଶର ଅର୍ଥନୀତି ଏବେ ଏତେ ଖରାପ ପରିସ୍ଥିତିକୁ ଗତି କରି ନ ଥାଅନ୍ତା। ସେ କହିଛନ୍ତି ୨୦୧୪ ପରେ ସେ ଆମେରିକାର ୨-୩ଜଣ ଅର୍ଥନୀତିଜ୍ଞଙ୍କୁ ଭେଟିଥିଲେ। ଆଉ ସେମାନଙ୍କର ମତ ଥିଲା କି ୨୦୦୪-୨୦୧୪ ମଧ୍ୟରେ ଭାରତର ଅର୍ଥନୀତି କେବଳ ମନରେଗା ଓ ଫାର୍ମ ଲୋନ ଓ୍ବିଭର ପାଇଁ ଭଲ ଥିଲା। ଯାହା ମୋଦି ସରକାରଙ୍କ ଅମଳରେ ଭୁଷୁଡି ପଡିଛି ବୋଲି ସେ କହିଛନ୍ତି।