ନୂଆଦିଲ୍ଲୀ,୧୪।୮: ସାରା ଦେଶରେ ରାଖୀ ପୂର୍ଣ୍ଣିମା ପାଇଁ ପ୍ରସ୍ତୁତି ଆରମ୍ଭ ହୋଇଯାଇଛି। ଭାଇ ହାତରେ ରାଖୀ ବାନ୍ଧିବା ପାଇଁ ଭଉଣୀ ସଜବାଜ ଆରମ୍ଭ କରିଦେଲେଣି। ରାଖୀ ଅବସରରେ ପାକିସ୍ତାନରେ ଜନ୍ମିତ ଜଣେ ମହିଳା ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ହାତରେ ରାଖୀ ବାନ୍ଧିବା ପାଇଁ ନୂଆଦିଲ୍ଲୀ ଆସିଛନ୍ତି। ଗତ ୨୪ ବର୍ଷ ଧରି ସେ ମୋଦିଙ୍କ ହାତରେ ରାଖୀ ବାନ୍ଧି ଆସୁଛନ୍ତି। ପାକିସ୍ତାନର କରାଚିରେ ଜନ୍ମିତ କମର ମୋହସିନ୍ ନାମକ ଜଣେ ମହିଳା ନିଜ ପରିବାର ସହ ଅହମ୍ମଦାବାଦରେ ରୁହନ୍ତି। ମୋଦି ଭାଜପାର କାର୍ଯ୍ୟକର୍ତ୍ତା ଥିବାବେଳଠାରୁ ସେ ମୋଦିଙ୍କୁ ରାଖୀ ବାନ୍ଧି ଆସୁଛନ୍ତି। ରାଖୀ ଦିନ ସକାଳୁ ମୋଦିଙ୍କୁ ଭେଟି ହିନ୍ଦୁ ପରମ୍ପରା ସହ ପୂଜାର୍ଚ୍ଚନା କରି ତାଙ୍କ ହାତରେ ରାଖୀ ବାନ୍ଧନ୍ତି। ଏଥର ରାଖୀ ପୂର୍ଣ୍ଣମା ଦିନ ସ୍ବାଧୀନତା ଦିବସ ପଡୁଥିବାରୁ ପ୍ରଧାନମନ୍ତ୍ରୀ ମୋଦି ଲାଲକିଲ୍ଲାରେ ପତକା ଉତ୍ତୋଳନ କରିବେ। ଏହାପରେ ମୋହସିନ୍ ତାଙ୍କ ହାତରେ ରାଖୀ ବାନ୍ଧିବେ ବୋଲି କହିଛନ୍ତି।