କଲମ୍ବୋ, ୨।୮: ଇଷ୍ଟର ବୋମା ବିସ୍ଫୋରଣ ପରେ ଶ୍ରୀଲଙ୍କାକୁ ସମସ୍ତ ସହାୟତା ଯୋଗାଇ ଦେଇଥିଲା ଭାରତ। ଶ୍ରୀଲଙ୍କା ପ୍ରଧାନମନ୍ତ୍ରୀ ରନିଲ୍ ବିକ୍ରମସିଂଘେ ଏଥିପାଇଁ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଧନ୍ୟବାଦ ଜଣାଇଛନ୍ତି। ସେ କହିଛନ୍ତି, ଏଭଳି ବିପଦ ସମୟରେ ପଡୋଶୀ ଭାରତ ଆମକୁ ସବୁପ୍ରକାର ସହାୟତା ଯୋଗାଇଦେଇଥିଲା। ସୂଚନାଯୋଗ୍ୟ, ଏପ୍ରିଲ ମାସ ଇଷ୍ଟର ରବିବାର ଦିନ ବୋମା ବିସ୍ଫୋରଣ ଘଟି ୨୫୦ରୁ ଊର୍ଦ୍ଧ୍ୱ ବ୍ୟକ୍ତି ନିହତ ହୋଇଥିଲେ। ଏଥି ମଧ୍ୟରେ ୧୧ଜଣ ଭାରତୀୟ ନାଗରିକଙ୍କ ମୃତ୍ୟୁ ହୋଇଥିଲା। ବୋମା ବିସ୍ଫୋରଣ ପରେ ମୋଦି ପ୍ରଥମ ବିଦେଶ ନେତା ଭାବେ ଶ୍ରୀଲଙ୍କା ଗସ୍ତ କରିଥିଲେ।