ନୂଆଦିଲ୍ଲୀ,୩ା୬(ପି.ଟି.): ରାମ ମନ୍ଦିର ନିର୍ମାଣ ଲାଗି ଅଯୋଧ୍ୟାରେ ଜମି ଯୋଗାଇ ଦେବା ସହ ରାମ ସେତୁକୁ ଜାତୀୟ ଐତିହ୍ୟ ସ୍ମାରକୀ ଭାବେ ଘୋଷଣା କରିବା ଲାଗି ଭାଜପା ଏମ୍ପି ସୁବ୍ରମଣ୍ୟନ ସ୍ବାମୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ପତ୍ର ଲେଖି ଅନୁରୋଧ କରିଛନ୍ତି। ମନ୍ଦିର ନିର୍ମାଣ ଲାଗି ଜମି ପ୍ରଦାନରେ ସୁପ୍ରିମକୋର୍ଟଙ୍କ ଅନୁମତିର ଆବଶ୍ୟକତା ନାହିଁ । ବିବାଦୀୟ ଜମି ପାଖରେ ଥିବା ୬୭ ଏକରରୁ ଊର୍ଦ୍ଧ୍ୱ ଜମି ଏହାର ପ୍ରକୃତ ମାଲିକ ରାମ ଜନ୍ମଭୂମି ନ୍ୟାସକୁ ଫେରାଇ ଦେବା ଲାଗି ଗତ ଜାନୁୟାରୀରେ ମୋଦି ସରକାର ସୁପ୍ରିମକୋର୍ଟରେ ଆବେଦନ କରିଥିଲେ। ଜମି ନ୍ୟାସ ଦଖଲରେ ଥିବାରୁ କୋର୍ଟଙ୍କ ଅନୁମତି ଲୋଡିବାର ଆବଶ୍ୟକତା ନାହିଁ ବୋଲି ସ୍ବାମୀ ତାଙ୍କ ପତ୍ରରେ ଉଲ୍ଲେଖ କରିଛନ୍ତି।