ଚେନ୍ନାଇ, ୨୩।୬: ଗ୍ଲୋବାଲ ଓ୍ବାର୍ମିଂ ବା ବିଶ୍ୱତାପମାନ ବଢ଼ିବାରେ ଲାଗିଛି। ଏଭଳି ପରିସ୍ଥିତିରେ ଗ୍ଲୋବାଲ ଓ୍ବାର୍ମିଂରୁ ଦେଶକୁ ରକ୍ଷା କରିବା ପାଇଁ ଆଗେଇ ଆସିଛନ୍ତି ୮ ବର୍ଷର ଲାଇସିପ୍ରିୟା କାଙ୍ଗଜୁମ। ଏକ ସନ୍ତୁଳିତ ପରିବେଶ ପାଇଁ ପ୍ରଧାନମନ୍ତ୍ରୀଙ୍କ ଦୃଷ୍ଟି ଆକର୍ଷଣ କରିଛନ୍ତି ଲାଇସିପ୍ରିୟା। ସଂସଦ ବାହାରେ ପ୍ଲା-କାର୍ଡଧରି ସଂସଦରେ ଜଳବାୟୁ ପରିବର୍ତ୍ତନ ଆଇନ ପାସ୍ କରି ଭବିଷ୍ୟତ ବଞ୍ଚାନ୍ତୁ ବୋଲି ସେ ମୋଦିଙ୍କୁ ଅନୁରୋଧ କରିଛନ୍ତି। ଏବେ ଯଦି ସୁରକ୍ଷିତ ପରିବେଶ ଉପରେ ଧ୍ୟାନ ନ ଦିଆଯାଏ ତେବେ ଭବିଷ୍ୟତ ଅନ୍ଧକାର ହୋଇଯିବ ବୋଲି ସେ କହିଛନ୍ତି। ସୂଚନାଯୋଗ୍ୟ, ଗ୍ଲୋବାଲ୍ ଓ୍ବାର୍ମିଂ ଏହାର ପ୍ରଭାବରେ ଭାରତର ତାପମାତ୍ରା ୨୦୩୦ ସୁଦ୍ଧା ୧.୫ ଡିଗ୍ରୀ ବୃଦ୍ଧି ପାଇବ। ଏନେଇ ଜାତିସଂଘ ପକ୍ଷରୁ ଏକ ରିପୋର୍ଟ ପ୍ରକାଶ ପାଇଛି। ୨୦୫୦ ସୁଦ୍ଧା ଭାରତ ତାପମାତ୍ରା ବୃଦ୍ଧି ଯୋଗୁ ଉତ୍କଟ ସମସ୍ୟାର ସମ୍ମୁଖୀନ ହେବାର ଆଶଙ୍କା ରହିଛି ବୋଲି ଏହି ରିପୋର୍ଟରେ ପ୍ରକାଶ ପାଇଛି।