ନୂଆଦିଲ୍ଲୀ,୨୬।୬: ଭାରତ-ଚାଇନା ସୀମାର ଗଲଓ୍ବାନ ଘାଟିରେ ହୋଇଥିବା ସଂଘର୍ଷ ପରେ ଲଗାତାର ବିରୋଧି ମୋଦି ସରକାରଙ୍କୁ ଟାର୍ଗେଟ କରିଛନ୍ତି। ଏହି କ୍ରମରେ ଶୁକ୍ରବାର କଂଗ୍ରେସର ଅସ୍ଥାୟୀ ଅଧ୍ୟକ୍ଷା ସୋନିଆ ଗାନ୍ଧୀ କହିଛନ୍ତି, ଚାଇନା ଲଦ୍ଦାଖରେ ଆମ ଜମି ମାଡି ବସିନାହିଁ। ଏକଥା ଦେଶବାସୀ ଜାଣନ୍ତି ଯାହା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦାବି କରୁଛନ୍ତି। ତେବେ ଆମର ୨୦ ଯବାନ କେମିତି ଶହୀଦ ହୋଇଛନ୍ତି ବୋଲି ସେ ମୋଦି ସରକାରଙ୍କୁ ପ୍ରଶ୍ନ କରିଛନ୍ତି। ମୋଦି କହୁଛନ୍ତି ଚାଇନାର ଅନୁପ୍ରବେଶ ଉଦ୍ୟମ ପଣ୍ଡ ହୋଇିଛି। ହେଲେ ଅନ୍ୟପକ୍ଷରେ ପ୍ରତିରକ୍ଷା ଓ ବୈଦେଶିକ ମନ୍ତ୍ରଣାଳୟ ଲାଗାତର ଭାବେ ଏହାକୁ ନେଇ କାହିଁକି ଆଲୋଚନା କରୁଛି। ଯେତେବେଳେ ଆମେ ଆମର ବୀରପୁତ୍ରଙ୍କୁ ଶ୍ରଦ୍ଧାଞ୍ଜଳି ଦେଉଛୁ ସେତେବେଳେ ଦେଶ ଜାଣିବାକୁ ଚାହୁଁଛି ଆମର ୨୦ ଯବାନ ଗଲଓ୍ବାନ ଘାଟିରେ କେମିତି ଓ କାହିଁକି ଶହୀଦ ହେଲେ। ଏହା ପୂର୍ବରୁ କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ ମଧ୍ୟ ସମାନ କଥାକୁ ନେଇ ମୋଦି ସରକାରଙ୍କ ଉପରେ ଖୁବ୍ ବର୍ଷିଥିଲେ। ଏହା ପୂର୍ବରୁ ମଧ୍ୟ କଂଗ୍ରେସ ମୋଦି ସରକାରଙ୍କ ଉପରେ ଅଭିଯୋଗ ଆଣିଥିଲା କି ଦେଶର ସୀମା ଅପେକ୍ଷା ମୋଦି ନିଜର ଛବି କଥା ଅଧିକ ଚିନ୍ତା କରନ୍ତି।